رواية كاملة بقلم رباب سيد

مش ده الوقت اللى فاضى عندي
ريم يابنى انت بعد كده هتحجز مواعيدك معايا من السكرتيرة بتاعتي ده انا هبقى سيده مجتمع
عمرو ماشى ياملكه المجتمع شوفى عايزة تاكلى ايه 
ريم عمرو 
عمرو آه ياشقيه تصدقي وانتى واحشنى
ريم هو انت ليه دماغك بتحود شمال كده ده بقولك يعني بص 
عمرو هو انتى اصلا تتطولى تكلينى ده انا البنات كلها بتجري ورايا 
ريم تلاقيك وقعت العمارة اللى ساكنين فيها
عمرو لاخفيفة اخلصى كنتى عايزة ايه 
ريم مافيش كنت هقولك اختارلى لحد ما آجى من التواليت 
عمرو براحتك يا قمر 
عادت ريم بعد عشرين دقيقة 
عمرو ايه يابنتى ده كنت هجيب ميكرفون وانادى عليكى 
ريم ماشى ياخفيف
عمرو ريمتى هو مافيش اى حل يخلى الجوازةديه تفشل 
ريم تاني ياعمرو مش احنا اتفقنا هنستحمل
عمرو بس انا مش بالعها خالص زهقت بجد 
ريم مش بتحبنى ومستعد تضحى بحياتك عشانى 
عمرو اديكى قلتى اضحى بحياتى عشان انتى تعيشي سعيده مش تضحى بنفسك معايا 
بص في عيني وماتكدبش عليا مش نفسك يكون عندك ولد وركزت ريم فى عيناه 
ريم خلاص ماتردش ياعمرو آخر مرة نتكلم فى الموضوع ده 
عمرو مش عارف ليه غاويين تتعبونى
ريم عشان يبقالك
ويبقالى سندفى الكبر ولا مش هما يكونوا ولادى برده 
عمرو طبعآ عارفة ان امى حددت الفرح بعد شهر ونص 
ريم وهى تدارى حزنها العب طيب كويس مش هفكربقا فى هديه ليك كده 
عمرو هديه ليه 
ريم يعني لسه ماتجوزتش عليا ونسيت عيدجوازنا آومال لما تتجوزنى هاتنسانى انا شخصيآ 
عمرو عمرى 
ريم تخيل بقا لوطلع فى نفس اليوم هتبقى مسخرة
عمرو تعرفى مابقتش افهمك 
ريم طيب ريحتنى وابقى براحتى واكدب براحتى بقا واوعى 
عمرو بت اتلمى ده انا اډبحك يوم ماتكدبى عليا 
ريم انت عارف ياحبيبى ماقدرش اكدب عليك 
عمرو ثبتينى 
ريم بحبك ياعشقى 
عمرو طيب يلا بقا نخلص اكل بسرعة عشان نشوف موضوع عشقى ده 
ابتسمت ريم رغم الۏجع في داخلها فهي قررت أن تتحمل كل شئ
من أجل سعاده زوجها و زوجه عمها وهذا في الاخير حلله الله هذا عزوجل 
رجعت ريم مع عمرو لمنزلها وجلست لتسمتع للمقابلات للاختيار فيما بينهم جميعآ وكان جوزها يجلس معها وبالطبع كانت تقتنع بأرآه 
وبالفعل أكدت سهيلة المساعده لريم انها راسلت جميعآ وان اول اجتماع سيكون غدآ 
ولكن ريم اعلمتها انها لن تحضر وان وجود سهيلة فى هذا الاجتماع ضروري 
واتصلت ريم بأحمد المحامى ودار هذا الحوار
ريم أستاذ أحمد معلش اتصلت بحضرتك فى وقت متأخر
ا احمد عادي ولا يهمك يابشمهندسة 
ريم بقول لحضرتك انا بكرة راحة الوزارة هخلص شوية ورق تمام وسهيله بعتت لحضرتك الناس اللى اخترناها فأنا كنت عايزة حضرتك تحضرالاجتماع وتفهمهم طبيعه الشغل المطلوب 
وان الشغل ده مش مؤقت وأنهم ان شاء الله يستمروا معانا على طول 
المرتبات هتبدأ من 2000لحسب الخبرة وحسب طبعآ مطلوب منهم يقدموا فكرة مبدئيه مثلا للمبانى السكنيه ورسم تمهيدى وبرده ده على أساسه هيتحدد مرتباتهم وقدامهمايام ليقدموه عايزين يجوا المكتب يشتغلوا فيه مش هيبقى فيه مانع تمام كده 
ااحمد تمام اكيد 
ريم ولو فيه حاجة كلمني فى اي وقت 
ا احمد تمام يابشمهندسة 
عمرو لزوجته وانتي هتروحى بكرة الوزاره لوحدك وتفضلى تتنططى 
ريم على اساس اول مرة 
عمرو يعني انتي كنتى بتروحى مشاوير كتير فعلا ياريم 
ريم ايه ياعمرو ده انت هتقلبها خناقة 
عمرو خناقة ولم مش خناقة حتة المرواح والمجئ مرفوضه 
ريم عمرو ده شغلى 
عمرو حد تانى يعمله 
ريم حد تانى وانا كل حاجة اتقدمت بأسمى 
عمرو مايخصنيش ريم ده قرار آخرك تروحي المكتب وتيجى من المكتب 
ريم طيب عشان خاطرى المرة ديه وبس وانا هتصرف 
عمرو لأ وبلاش تعصبينى 
ريم بزعل وتركت عمرو وذهبت 
عمرو تعالى راحه فين!
ريم هدخل انام 
عمرو رافعآ حاجبه لوحدك 
ريم ابقى حاصلنى براحتك 
وقف عمرو وقال لنفسه الليلة شكلها باظت
عمرو حبيبى 
ريم نعم 
عمرو ريم انتى عارفة انه ده طبعى مش بحبك تخرجى كده كتير وتتعاملى مع ناس لولا فرحتك بالمشروع ده وانه خيروكده ماكنتش وافقت تتعامل مع بشمهندسين وغيره وانا مش ناقص ۏجع قلب 
ريم طيب عشان خاطرى كمل جميلك طيب تعالى معايا بكرة 
عمرو وشغلى ياهانم 
ريم بدلع ورقة حياتى مش هنتأخر 
عمرو ياسلااام قلبتى فى لحظه
ريم بتعلم منك يااسطا 
عمرو اسطا يبقى انسي 
ريم واقتربت منه احلى اسطا ياعشقى 
عمرو طيب خلاص عشان خاطرك
ريم عاااااا حبيبى حبيبى بحبك يا اسطا 
عمرو طيب تعالى بقا اقولك على حاجة مهمه 
ريم تخيل وانا كمان
عمرو احبك وانت فاهمنى 
ذهبت ريم مع زوجها كلآ فى سيارته وانجزت ماتريد وريم ذهبت لمكتبها وعمرو ذهب لشركته وفى الطريق اتصلت به ليلى 
ليلى ازيك اخبارك ايه
عمرو تمام بقولك بكرة هنروح نتفرج على 3شقق تختارى منهم واحده ونختار الفرش
ليلى ده على أساس انك مستعجل 
عمرو انا اسف ياليلى بحاول اخلص شغلى بس عشان اكون فاضي الأيام اللى جايه 
ليلى ياسلام على اساس انك مقصر مع ريم 
عمرو بعصبية بصي ياليلى آه مش هينفع فى التليفون بس علاقتي بريم انسيها خالص تمام كأنها مش موجوده 
ليلى طيب بالراحة بحبك وبغير عليك وانا مراتك برده ولا ايه
عمرو بتنهيده وفى سره يارب هو ناقص ۏجع دماغ ربنا يسامحك يا أمى آسف والله بس ده عشان يكون لحياتنا اللى جاية كلها 
ليلى طيب حاضر بكرة بقا اتصل بيا قبل ماتيجى بساعة 
عمرو طيب من عنيا 
وبعد ما أغلق الهاتف حدث نفسه قائلا
عمرو ماتنكرش انك نفسك يبقى عندك ولاد وبتعشق ريم وان شاء الله مش هتقصر معاها 
اما ريم فهى تجلس مع مدير الحسابات والمحامى وسهيله لتعرف آخر الأخبار 
مدير الحسابات انا اخترت 3 معايا واحد لحسابات لكل المصروفات الخاصة بالبناء والباقي هيساعدوه لحد ماباقى الدنيا تتظبط وفيهم زى ماحضرتك طلبتى متخرج 
أ احمد وانا يابشمهندسة ظبطت الدنيا مع المهندسين اللى جم كلهم وماحدش عنده اعتراض مبدئيآ 
سهيله وانا حضرتك طقم السكرتارية جاهز وهيبدأوا من اول الاسبوع 
ريم طيب ياجماعة كله تمام بس حضرتك وبشمهندسة ده انا صغيره عن حضراتكوا واحترامكوا الزايد ده ليه مش قادرة بصراحة مشوها ريم وبس عشان خاطرى 
سهيلة يابشمهندسة مش هينفع حضرتك البوص برده
ريم ههههه على اساس عصابه يابنتى انا ماليش الا في الهندسة وبس وانتى شايفه سرقتكوا من عند حسين عشان تقفوا جنبى وتسندونى وبرمى كل حاجة عليكوا
الجميع ضاحكآ 
سهيلة بصي هحاول بس مش هوعدك
ريم والكلام لحضرتك برده يا استاذ احمد ويا أستاذ ياسر وان شاء الله الاسبوع اللى جاى نبدأ ببسم الله
الجميع أن شاءالله
يقف عمرو وليلى ووالدتها فى آخر شقه ليفاضلون بين الثلاث شقق 
عمرو تقريبآ ديه احلى واحده المطبخ والحمام لسه ماحدش استعملهم والنقاشه هتبقى سهله ومش هتاخد وقت 
ليلى بس انا عايزة شقه اوسع و بريسبشن كبير مش اوض مقفوله وصاله حاجة كده و الابراج الجديده 
عمرو بس اقل شقه فى دول 300الف وحاليآ مش من امكانياتى 
ليلى هو انت هتبخل عليا من اولها 
عمرو مش حكاية بخل بس اكيد مش هصرف كل اللى معايا في شقة 
والده ليلى خلاص ياليلى 
ليلى ياماما يعني مش اقول اللي نفسه
عمرو وقف امامها ياستي خلاص ماتزعليش وهعملك فى الشقة ديه اللى انتي عيزاه 
ليلى انتى بقا
عمرو على فكرة انا مهندس شاطر وجدا 
ليلى ربنا يخليك ليا
عمرو ويارب اقدر أسعدك دائمآ يلا بقا نلحق باقي الحاجة 
فقامت ليلى بوضع ذراعها فى ذراعه وهى مبتسمة والفرحه مش سيعاها اوك يلا
انتهى عمرو فى هذا اليوم من شراء جميع الموبيليا والأجهزة الكهربائية 
اما عند ريم فعادت لمنزلها مبكرآ وأخذت تعد عشاء شهى لها ولزوجها بمساعده مها وجهزت حالها كعروس وانتظرت زوجها للأحتفال ببدأ عملها 
اتصلت ريم لتطمئن على ميعاد زوجها وقال ان أمامه ربع ساعة
فجهزت العشاء بطريقه فنيه رائعة ووقفت أمام السفرة فى انتظاره
عمرو حبيبى مش ناوي يجيبها لبر وخدانى فحت وردم
ريم ههههههههه وضعت يديها حول عنقه يعني بذمتك ده كلام يتقال فى اللحظه ديه
عمرو بصراحة عندك حق وحشتينى ياقمر ليلى وكل حياتى يا أجمل النساء وارق البنات ياورده فى قلبى ياشمعه تضئ حياتى 
ريم ايوه كده يلا بقا تعالى كل 
عمرو تؤ تؤ 
ريم ايه ياحبيبى مش جعان 
عمرو لا طبعآ ده انا مېت من الجوع
ريم طيب يلا تعالى كل 
واقترب منها 
عمرو طيب هو فيه احسن من كده اكل 
ريم بضحكتها الساحرة
عمرو والله مش قدك ارحمينى
جاء اول الاسبوع وريم خائڤة للغاية فهذا اول تعامل حقيقى مع موظفيها 
ولكنها كانت أولا ذاهبه للارض لتفقد وصول المؤن وكل ماتطلبه فأرتدت جينز وكاب ورفعت شعرها كحكه فكانت مثل الأطفال ثم آخذت لبس اكثر رسميه فى شنطتها 
ورجعت لمكتبها ولكن كان شكلها سئ للغاية 
نظرت فى مرآه سيارتها فوجدت وجهها يكسوه العفار وقد نفذ منها الماء 
وصلت لعمارة المكتب وصعدت فى الأسانسير وكان هناك شاب آخر
الشاب الدور الكام 
ريم مؤسسه عمار 
الشاب هو حضرتك مهندسة فيها 
ريم وهى تستغرب فضوله تقريبآ 
الشاب بس اللى اعرفوا انهم استكفوا ولو لسه جايه تسألى فأعتقد خلاص وشكلك باين انك لسه بتدرسي فهما عايزين متفرغين اسف للتدخلى بس بنصحك
لم ترد ريم عليه لأنها قد وصلت فتركته ينزل اولا 
ودخلت وراءه فوجدت السكرتارية الجديده تجلس على مكتبها فى الريسبشن فسعدت ريم للغاية ووجدت الشاب يحدثها
الشاب هى البشمهندسة لسة ماجتش 
السكرتيرة تدعى شيماء لاحضرتك لسه
الشاب بس ده استهتار المفروض الاجتماع 11والساعه 11 15 يعنى ربع ساعه تأخير
شيماء ممكن يابشمهندس أدهم حضرتك تتفضل على مكتبك واول ماتيجى هنادى حضرتك 
كانت ريم تشاهد الحوار وهى تتذكر الملف الخاص بأدهم وبالفعل تذكرته فورقه رائع للغايه وفكرت ان تجعله المشرف على المشروع ككل كما اتضح لها الآن انه ملتزم بشده حتى قطع تفكيرها صوت شيماء وهى تسألها 
شيماء حضرتك فيه حاجة 
ريم هى سهيلة فين 
شيماء مش موجوده هو فيه حاجة
فتحدث ادهم طيب انا جوه وياريت تتصلي تشوفى هتيجى امتى عشان الوقت
شيماء لريم أي خدمه حضرتك 
ريم طيب بس ثوانى أدخل التواليت واجيلك
دخلت ريم الحمام وانتعشت بالمياه قليلآ
وخرجت وجهزت لنفسها كوب نسكافيه 
وخرجت فقابلتها شيماء وتحدثت معها پحده 
شيماء مين حضرتك وطايحه فى المكان كده 
ريم بهدوء اسمك ايه الأول بس 
شيماء شيماء 
ريم طيب بصي ياشيماء اولا حتى لو ماتعرفنيش اسلوبك يبقى احسن كده ثانيا بقا انا البشمندسه ريم عز الدين 
شيماء بتوتر انت اسفة والله ما اعرف حضرتك 
ريم لا عادى 
سبقت شيماء ريم لتفتح لها باب مكتبها 
دخلت ريم مكتبها ودخلت حمام مكتبها لتغير ثيابها واتصلت بشيماء لتستدعى سهيلة 
دخلت سهيلة على ريم حمدالله ع السلامه يابشمهندسة 
ريم كنتى فين ياهانم 
سهيلة كنت بخلص موضوع العربية عشان ابقى توصل المهندسين للموقع 
ريم طيب يلا جهزى الاجتماع وبلغى ا احمد 
وبالفعل كانت تجلس سهيله وأ احمد والمهندسين الخمسه فدخلت عليهم ريم 
ريم السلام عليكم ورحمه الله وبركاته 
الجميع وعليكم السلام 
جلست ريم وعرفت بنفسها ولكن كان البشمهندس ادهم يسأل نفسة اذا كانت هى أم لا 
ريم طيب انا اسفه انى ما استقبلتش حضراتكوا من اول يوم بس كنت بجهز حاجات للشغل 
بس طبعآ أ احمد قام بالواجب احنا فى الأول وفى الاخر مؤسسة خيريه