رواية كاملة بقلم رباب سيد

جت وحضرتك مسافر وبقالها يعنى اقل من سنة وعارفة القواعد اللى لايمكن التهاون فيها فالنهارده هى وبكل بجاحة بتاكل فى المكتب نفرض حد من العملاء كان موجود كان أيه الوضع احنا مش شغالين فى الحكومه 
عمرو بص يابشمهندس زود على اللى حضرتك قلته ان الصوت العالى مش واجه حلوة للشركة واظن ان حضرتك ليك مكتب فالموظف اللى يغلط حضرتك تطلبه وتعاقبه مش تعلى عليه صوتك ونلم الموظفين 
م مصطفى آسف يابشمهندس بس حضرتك عارف انى ما اقبلش التهاون في ادق التفاصيل واضح ان 
البشمهندسه عشان لاقتنى بمدح فى شغلها هتبتدى تدلع 
عمرو تدلع تمام يابشمهندس الموضوع خلص ووجه كلامى لريم تعالى ورايا 
دخل عمرو مكتبه ودخلت ريم وراءه وارتمت فى احضانه وآخذت تبكى بشده 
عمرو خلاص يابنتي بقا ما انا رديت عليه وقدامك
ريم ده زعقلى قدام الناس وكان ناقص يضربني
عمرو ده انا كنت كسرته خلاص ياقلبى ماتوجعيش قلبي
فأبتسمت ريم سلامه قلبك ياحبيبى 
فمد يده ومسح دموعها مش قلتلك الؤلؤ ده ماينزلش كده هدر دموعك غاليه اوى وبتوجعنى اوي اوي
بس ده ماينكرش انك غلطانه ريم سهل اوى الكل
يعرف انتى مين وساعتها هيتعملك الف حساب 
ريم حبيبى قلتلك عايزة ابقي ريم
وبس فهمت
عمرو تمام يبقى مانغلطش ونلتزم وبعدين انتى مش قلتي هتنزلى البوفيه ايه اللى حصل 
ريم والله نزلت وقعدت كمان بس جه ولم تكمل ريم جملتها خوفآ مما ممكن ان يحدث 
عمرو ريم كملى ها اللى حصل
ريم بعدين بقا عشان الشغل 
عمرو بزعيق ريييم يلعن ابو الشغل اخلصي عشان ما اكسرش دماغك 
ريم والله وحكت له ماحدث 
عمرو ومين هو أن شاءالله 
ريم ماعرفوش انا من ساعة ماجيت هنا ولا بكلم ولا راجل ولاست 
عمرو واللى سياتك عملتيه انك سبتيه ومشيتى 
ريم آمال كنت عايزنى اټخانق 
عمرو بصوت عالى لا تندهى للراجل المفروض انه جوزك ولا انا مش مالى عينيك 
ريم ياحييبى مين اللى قال كده بس هو ده اللى جه فى بالى ولاقيته صح 
عمرو طيب امشى ياريم عشان مش طايقك وياريت لما تحصل حاجة زى كده تعمليلى قيمه 
ذهبت ريم لمكتبها
شيرين مالك كده خارجة من عند ال معمرو منفخة هو انتى كنت فاكرة انه هيطبطب عليكى 
ريم من فضلك ياشيرين انزلى من على دماغى 
انتهت مواعيد العمل الرسميه واتصلت ريم بعمرو ولكنه طلب منها الانتظار نصف ساعة ولم يتبقى سواها هى وشيرين 
ريم ايه ياشيرين مش هتروحى
شيرين لأ لسة شويه كده 
اتصل عمرو بريم انا هنزل اجيب العربية انزلى بعد شويه عشان ماتقفيش فى الشارع 
ذهبت ريم للتواليت وثم ذهبت خارج الشركة ولكنها وجدت شيرين منتظرة على الرصيف ووجدت عمرو يقترب بالسيارة وشيرين مقبلة عليه فتمنت فى تلك اللحظه ان تمسكها من شعرها ولكنها استعاذت بالله من الشيطان الرحيم وذهبت لزوجها 
فتحت شيرين باب السيارة الأمامي وركبت وكان عمرو هو الذي يتمنى أن تنهتى هذه الساعة سريعآ 
وريم وهي غير راضية فتحت الباب الخلفى لتركب فوجهت لها شيرين الكلام
شيرين هو انتي هتروحى معانا
ريم من غير نفس عندك مانع 
عمرو وكأنه يحدث نفسه بالراحة بالراحة 
شيرين فيه حاجة يابشمهندس
عمرو لا ده انا بكلم العربية
ريم وهى ترفع حاجبها العربية طيب ايه يابشمهندس مش هتمشى ولا ايه 
وتحرك عمرو بالسيارة وهو يشعر أن الحرارة فيها تبلغ الأربعين 
شيرين ان شاء الله ياريم تخدى بالك بعد كده وماتغلطيش 
ريم لا ماتقلقيش 
شيرين بشمهندس بصراحة حضرتك غيبت علينا كتيير اوي سنه بحالها بصراحة وجودك بيخلى القسم له شكل تاني واحنا بالصراحة اتعودنا على نظام حضرتك كان ممصطفى زى ماحضرتك شوفته كده النهاردة
عمرو معلش بقا الظروف 
ريم شيرين معلش ممكن اسألك سؤال 
شيرين اتفضلى
ريم هو انتى عندك كام سنه
شيرين اشمعني يعني !!
ريم عادي يعني عايزة اتعرف عليكى اكتر وكده
شيرين بعدين بقا لما نبقى لوحدينا 
ريم ايه ده انتى مكسوفه من البشمهندس ده حتى مش غريب
عمرو ريم خلاص 
ريم حاضر هو انت مشيت من هنا ليه
عمرو عشان البشمهندسة شيرين
ريم اوه سوري نسيت 
اوصل عمرو شيرين لمنزلها 
شيرين شكرآ يابشمهندس
ريم ماتقطعيش الجوابات
شيرين من غير نفس سلام 
عمرو انزلى يلا تعالى جنبي
ريم لأمش خلتها تركب جنبك
عمرو على اساس اني سواق اللى خلفوكى 
ريم طيب انزل افتحلى الباب كده عاملنى
زى الأميرة
عمرو يلا ياريم بقا بجد تعبان 
ريم طيب انزل اعمل اللى بقولك عليه
نزل عمرو وفتح الباب الخلفى ونزلت ريم ثم فتح الباب الأمامي وانحنى قليلآ وفتح يديه
وقال اتفضلى يا مليكتي 
ريم بأبتسامة ميرسى 
وعندما استدار ليركب وجد شيرين مازالت تقف في الشارع تحدث أحد ما وتتابعها 
عمرو عشان كده 
ريم طبعآ ياحبييى ع الله تحس 
عمرو آه منك انت ياجامد 
ودار عمرو السيارة للمنزل 
فى المنزل
ريم حبيبى يالا الاكل جاهز 
عمرو تسلم الايادى 
ريم الله يسلمك ياحبيبي
عمرو ايه ياريمى فراخ وجلاش بس كده
ريم معلش ياحبيبى ده اللى لاقيته ما انا عايزه اتسوق فيوم الجمعه كده هظبط المسائل بكرة هشترى سمك من برة والخميس كده كده هنتغدى عند ماما 
عمرو هو ده بقا عيب الشغل يابنتى اقعدى وريحى نفسك ماشوفتيش كمان شكلك النهاردة
فريحى نفسك واقعدى 
ريم بضيق بليز ياعمرو موضوع اني اسيب الشغل تنساه لما اقصرقولى سبب تقصيرى واصلحه تما
عمرو خلاص بالراحة ماتضايقيش اوى كده 
ريم ماشى
عمرو بس انا كنت حاسس انك هتموتى شيرين
ريم ياشيخ ديه هبله قال هتركبى معانا
عمرو ريم لاحظى تقريبا ماحدش يعرف انك مراتى
ريم تصدق صح طيب انا عيزاهم يعرفوا 
عمرو عايزة اعملي ايه يعنى 
ريم مش عارفة بس هفكر 
عمرو حبيبى عندي شويه شغل تمام واحتمال تنامى قبلى بس عايز بقا احلى كوبايه شاى من حبيبى 
ريم عينى ياحبيبى 
استغلت ريم انشغال عمرو وقامت بعمل جميع شئون منزلها 
ولأول مرة تعترف ريم بأن المجهود كبير ولكن في سبيل نجاحها فلما لا
البارت الثانى والعشرين
ذهبت ريم مع عمرو فى سيارته كما اتفقت معه إلى العمل ولكنها أصرت ان تذهب معه للجراج ويدخلون للشركة مع بعضهما البعض لعلها تكون وسيلة لاعلان زواجهم 
ودخلت ريم مكتبها ولم ترتاح لنظرات البعض لها 
ولكنها ركزت فقط في عملها 
حتى وجدت سكرتيرة حسين تستدعيها وفى عينيها نظرة شماته لا تعرف ريم سببها 
دخلت ريم عند حسين 
ريم خير يابشمهندس 
حسين كنت
سمعت فيه مشكله حصلت امبارح 
ريم مافيش كنت خالفت قاعده كده من قواعد الشغل والبشمهندس مصطفى عرف فكان
بيعرفلى غلطى
حسين بالزعيق
ريم ماعمرو اتصرف ماتشغلش بالك 
فأقترب منها حسين هو انا لما شغلتش بالي بيكى هشغله بمين فحضتنه ريم وقبلته
امافي الخارج عند السكرتاريه كانت هناك امرأه شديده الأناقة والرقى
المرأه هى لسه جوه
السكرتيرة آه جوه انا قلت لما احكيله المشكله اللي حصلت امبارح اكيد هيطلب يقابلها 
المرأه تمام
وقامت هذه المرأه بأقتحام مكتب حسين دون أن تطرق الباب ووجدت ريم فى
حضڼ حسين 
المرأه الله الله على اللى بيحصل 
ريم وحسين نرمين 
نرمين هو انتى ياريم 
ريم انا ايه 
نرمين لا مافيش ازيك عاملة ايه مبسوطة فى الشغل 
ريم آه تمام الحمد لله 
حسين ماقلتيش انك جاية 
نرمين عادي يعني 
ريم لحسين طيب عايز منى حاجة تاني 
حسين لا ياحبيبتى روحى 
ريم مبسوطة اني شفتك يانرمين 
مرت ريم بالسكرتارية وهى ذاهبة واستغربت السكرتيرة بأن وجه ريم مبتسم 
وبعد قليل خرجت زوجه حسين 
نرمين بعد كده ابقي اتأكدى قبل ما تغلطى بتوقعاتك وتركتها فى حيرتها وذهبت
دخلت ريم مكتبها ولكن قبل دخولها سمعت شيرين تحدث المهندسين فى الغرفة بأن زوجة حسين آتت لكى تفضح هذه العلاقة فأنفعلت ريم ودخلت عليهما ووقفت امام شيرين وصڤعتها بالقلم 
ريم انا اسمي لما يتحط فى جملة مفيدة يبقى بالأدب واحترام أنتي فاهمة
وخرجت مهروله تجاه مكتب اخيها وقابلت نرمين تهم بالذهاب ولكنها أوقفتها وطلبت منها الذهاب معها مرة آخرى لمكتب أخيها 
اقټحمت ريم مكتب حسين 
حسين ايه ياريم فيه ايه 
ريم ثوانى ممكن يانرمين تقولى لجوزك كنتى جايه ليه 
نرمين ريم انا مش فاهمه انتى بتتكملى عن ايه !
ريم خلاص انا هقولك مراتك كانت جايه تشوف الموظفه اللى بينك وبينها علاقة مش كده وآخذت تبكى لأ والكلام انتشر فى الشركة 
حسين لنريمين پغضب الكلام ده صح !!!!!
نرمين هو حصل بس 
حسين يعنى انتى عادى كده بتقوليلى كده بشك فيك والله كويس يابنت الأصول امشي يانرمين وانا هعرف حسابى معاكي لما اروح 
اتصل حسين بسكرتيرته لتبلغ بأجتماع طارئ لجميع العاملين في الشركة 
ووجه كلامه لريم قومى ياحبيبتى أغسلى وشك كده 
وبعدين قلنا من الأول نعرفهم انتى اللى رفضتى والنتيجه ايه بس ولا يهمك ياقمر ده انا هخلى كل اللى جاب سيرتك النهاردة ېموت من جواه
ريم حلوة ېموت من جواه ديه 
حسين طبعآ ياريم هو انا لياغيرك وقبل رأسها
ريم ربنا يخليك ليا 
حسين أنا بس 
ريم بصراحة عمرو كمان يالهوى عمرو ده لو عرف اللى حصل ممكن يولع فى الدنيا 
حسين انتى سمعتي مين بقا بيتكلم ولا عرفتى ازاى 
ريم الزفته اللي اسمها شيرين ياشيخ ديه طالعالى فى البخت 
حسين ديه هتترفد فورآ 
ريم لا لا حرام هى اصلا مالهاش ذنب هى اكيد حكيت اللى سمعته هو الدور والباقى على سكرتيره الغفله بتاعتك
حسين ده انا هظبتها انها اصلا تتطلع أسرار المكتب بره
ريم ممكن زي الأفلام مراتك هي اللى مسلطاها 
حسين وليه لأ 
ريم طيب ماقولتليش هنقول ايه لعمرو 
حسين أنا هكلمه تمام 
ريم بس لازم تعرفه اللى حصل مش هنحور بس ممكن بطريقة هادئه
حسين من عنيا قومي بقا أغسلى وشك عشان الاجتماع 
ذهب حسين وريم معه للاجتماع وجعلها تجلس على الكرسى على يمينه 
حسين من غير تطويل عشان الشغل 
طبعآ فيه منكم عارف البشمهندسه ريم هى بقالها تقريبآ سنه معانا وبشهاده المشرفين عليها انها بشمهندسه شاطرة 
وعشان كده اكيد يشرفنى اني أعرفكو هى مين
عشان هي كانت طلبت منى أن ماحدش يعرف عنها حاجة غير لما تثبت نفسها فى المكان واعتقد ان سنه كفايه فأحب أعرفكو انها البشمهندسه ريم عز الدين مصطفى يوسف الطوبجى أختى وكمان تبقى مرات البشمهندس عمرو يوسف مصطفى يوسف الطوبجى واتمنى الكل يراعى ده هي مكانها مش هيتغير الا بمجهودها زى ماهى طلبت 
ذهب الجميع ولم يتبقى فى الغرفة سوى عمرو وريم وحسين
عمرو كل ده بقا ليه 
ريم مبسوطة جدآ ان كل الناس عرفت انى مرات عمرو 
حسين وعادي انهم عرفوا انك اختى
ريم لا ياحبيبى اصل كان فيه ناس حاطة عينيها على جوزى 
عمرو ينظرإليها وإليه 
عمرو ها افهم بقا ولا ايه 
حسين كل اللى حكاية ان السكرتيرة بتاعتي كل ماريم كانت تدخل عندى كانت بتبصلها بنظرات مش لطيفة ولما ريم حكتلى قلت اعمل اللى حصل 
عمرو بس 
حسين آه بس 
ذهباريم وعمرو معآ 
عمرو مبسوطة اوى كده ليه
ريم عشان الزفته ديه مش هتيجى معانا تانى 
عمرو ماشى ياقلبى روحي على شغلك
ريم لا انا هجى اقعد معاك هاخد باقى اليوم اجازه
عمرو هنبتدى الدلع بقا 
ريم لا والله بس عشان اسيبهم ينموا براحتهم 
عمرو هي نص ساعة بس وعلى شغلك
ريم تمام ياباشا 
انتهت النصف ساعة وطرد عمرو ريم إلى مكتبها واول ما دخلت 
شيرين بشمهندسه ريم أنا آسفة والله انا ده اللى سمعته
ريم انتى بتعتذرى عشان غلطتي ولا عشان