بقلم هبه السيد

بقا خلي قلبك ابيض .. لسه زعلانه 
_اه زعلانه يلا صالحيني بقا
ضحكت عليها وحضنتها مشينا وروحنا مطعم ودخلنا فضلنا ناكل ونتكلم
_دا أخرت اللي يعيب اهو بقا عصام الشمام بقي اخو خطيبك يهانم عشان تعيبي بقا 
_مهو مبقاش شمام بقا .. هوا انا مش فاهمه يعني هوا بعيد عن اهلو عشان فعلا كان بيشرب 
_يبنتي حسام زمان طردوا من البيت بسبب كدا وقالو لو مبطلتش مترجعش بس كان عارف عنو كل حاجه 
_واشمعني دلوقتي اللي خلاه يرجع انا لو مكان عصام مرجعش تاني 
_يبنتي ليه بس مهو عصام غلطان برضو لو عايز فعلا اهلو كان بطل بس افكاروا غلبتو بقا 
_تصدقي صعب عليا يعني ايه اهلي يطردوني ف الشارع عشان بشرب مخډرات وليه ميوقفوش جمبي مثلا عشان ابطل 
_انتي كدا هتفتحي أبواب جهنم يخربيتك افهمي حسام فضل معاه لمده سنه تقريبا عشان يبطل ودخل مصحه وهوا رجع تاني كان عايزه يعتمد ع نفسو بس عصام زاد الطين بله بقا 
_تعرفي يا بت يا ليلي انتي لو مكنتيش بتساعديه مكانش لحد دلوقتي بطل ويعالم كان هيرجع لاهلو ولا لا 
_ربنا بيبعت يا ايمان اللي يساعدك دايما ف وسط الضلمه
اكلنا والوقت اتأخر وروحنا مشي لان المنطقه مكانتش بعيده فضلنا نتكلم طول الطريق ايمان روحت ومشيت انا عشان اروح وانا جوايا قلق ان عصام ميرجعش ويفضل جمب اهلو وهوا هيرجع يعمل ايه هنا مخلاص بقا رجع لاهلو قربت من الورشه وكانت مقفوله
_مساء الخير
اټخضيت من الصوت بصيت ورايا مصدقتش كان هوا عصام كان واقف ومبتسم
_انت بتهزر صح انت ازاي رجعت .. استني انت مروحتش عند امك
_روحت ورجعتلك انتي مش قولتلي ارجع عشان احكيلك اللي حصل
قالها وهوا مبتسم والدموع بدأت تتجمع ف عينو مين كان يعرف ان عصام الشاب البلطجي بتاع المخدات يبقي كدا
_ احكيلك بقا اول مدخلت البيت حسام كان ماسكني من ايدي وبيدخلني رجلي كانت مش شيلاني كأني قاټل قتيل وداخل بالكفن بتاعو
كان بيحكي اللي حصل وانا مبتسمه وهوا كان طاير من الفرحه كان عامل زي الطفل اللي لقي امو بعد ضياع بيشرح بأيدي وبكل حاجه
_دخلت لقيت امي مستنياني وجمبها هنا اختي اول مشافتني جريت عليا حضنتني وانا تلقائي دخلت ف حضنها ونسيت الدنيا فضلت تحضن فيا وتبوس يجي نص ساعه دموعها كانت بتنزل وبس كانت كل دمعه فيهم كنت حاسس اني السبب فيها حسيت للحظه بندم كانت بتقولي حقك عليا مش هخليك تمشي تاني كأن الغلط عليها هيا مش عليا ونزلت دمعتين تلاته كدا دموعي كتير الايام دي كانو ياخدوني انا وحياتي كدا ف مسلسل تركي درامي 
_يبني انت بتهزر برضو قولي حسيت ازاي اول مشوفت امك وليه جيت عندي ليه مبقتش جمب امك 
_منا جيت عشان استوعب ان كل دا حقيقه وهنام ف البيت تاني بعد السنين دي كلها امي مكانتش عيزاني اطلع نزلت مع اختي هنا حبيبة قلبي جبتها شويه حلويات زي زمان معرفتكيش بقا علي اختي اسمها هنا عندها ٢٠ لسه بتدرس اول مشافتني هيا كمان جريت ف حضڼي وهتك يا عياط جبتلك انتي كمان حلويات زيها وجبتلك الورده دي علفكرا دي الشجره بتاعتنا
مد ايدو بالكيس كان مليان شيكولاته وحلويات وبالايد التانيه الورده كان لونها أحمر مسكتهم وانا لسه مش مستوعبه ولا مستوعبه طريقة كلامه وكل حاجه ورا بعضها مكانش عارف يرتب كلامه كان مبسوط مش عارفه استوعب قال كل حاجه ورا بعضها
_ايوه صح امي عايزه تشوفك بكرا حكيتلها عنك 
_تشوفني ازاي يعني اجي عندكو البيت طيب بصفتي مين 
_ايه بصفتك مين دي.. صحبتك بكرا هتيجي عشان امي تشوفها لسه حسام هيقولها تعالي معاها انا حكيتلها عنك يعني هتعرفك 
_حاضر هاجي معاها وشكرا بقا ع الحجات دي مكانش ليها لزوم 
_عادي يعني وفيها ايه لما اجبلك مش بتساعديني ..مالك 
_مالي منا كويسه اهو 
_لا فيكي حاجه قوليلي فيكي ايه وانا هروح اشرح اللي زعلك 
_تشرح ايه بس يا عصام انا مدايقه انك مش هتيجي تاني هنا وهتفضل عند اهلك 
_امال انا هنا بعمل ايه منا جيت عشانك اهو وف اي وقت هتلاقيني هنا أول محس انك بتفكري فيا هتلاقيني قدامك
قالها وهوا مبتسم وبيغمز
_طب اتعدل يخويا 
_حاضر يختي
فضل يضحك وانا ضحكت علي ضحكته انا مش فاهمه ايه اللي بيحصل ولا ايه المواقف اللي بتعدي بسرعه دي بس اللي فهماه اني بكون مبسوطه وانا مع عصام
_انا همشي بقا عشان الوقت اتأخر 
_وانا همشي بقا عشان الوقت اتأخر وامي بتقلق عليا عشان قالتلي متتأخرش ياود يا عصام عشان هسخنلك العشا وتعال بسرعه عشان بتوحشني هاا بتوحشنييي
_بطل غلاسه بقا يا عصام وامشي 
_خدي يا بت تعالي هنا .. انتي هتمشي لوحدك كدا تعالي اركبي يلا هوصلك 
_اركب مين ياعصام بيتنا اهو 
_تعالي بس متنشفيش دماغك
صمم اني اركب معاه ركب ووصلني لحد البيت خلاني ادخل البيت حتي مشي دخلت وانا اخيرا مرتاحه ومطمنه عليه أن عند اهلو ورجع اخيرا 
___________________________
تاني يوم الصبح واحنا راكبين انا وإيمان عربية حسام من ورا ورايحين البيت عندهم
_انا متوتره يا ايمان هنروح عند الناس ازاي واحنا منعرفهمش 
_اهدي بس محڼا رايحين نتعرف عليهم اهو وهنمشي علطول
وصلنا قدام عماره وكان قدامها شجر ورد افتكرت عصام امبارح لما جابلي الورده ابتسمت تلقائي دخلنا العماره الدور التاني فتح حسام الباب بالمفتاح 
_اتفضلو ادخلو تعالو
دخلنا الشقه وكان العفش بتاعها جميل طلعت بنت جميله وتقريبا كانت هنا
_عاملين ايه 
_تعالي يا هنا
قالها حسام وهيا قربت مننا وسلمت علي ايمان وبعدين سلمت عليا قعدنا وطلعت ست ف الخمسين سنه كدا قامت ايمان عشان تسلم عليها وقومت وارها سلمت علينا وكان بتين ع وشها تعب السنين كان عندي فضول اعرف فين عصام جابتلنا هنا عصير وف نص القعده واحنا بنشرب وساكتين
_انتي بقا ليلي حبيبة عصام
شرقت وانا بشرب العصير فضلت اكح وقامت هيا تجبلي ميه اټصدمت من السؤال رغم اني عارفه عصام كان مهتم ازاي الفتره الاخيره وانا برضو منكرش بس لما اتقالت الحقيقه مكنتش عارفه تأثيرها هيبقي كدا حتي لو بالكلام
_لا يا هنا يا حبيبتي هوا يقصد الدكتوره بتاعتوا بس سمعتي غلط يا حبيبتي سمعتي غلط
قالها حسام وقام اخد هنا ودخل بيها جوا فضلنا انا وإيمان مع ام عصام
_معلش يا ايمان يا حبيبتي مقدرتش اجي يوم خطوبتك اعذريني يابنتي ان شاء الله تتعوض ففرحكم يارب 
_لا يا طنط متقوليش كدا انا مقدره دا طبعا 
_الحمد لله علي سلامة عصام انو رجع بالسلامه يا طنط 
_الله يسلمك يا حبيبتي انتي بقا ليلي 
_ايوه يا طنط انا ليلي 
_عصام من امبارح مش بيبطل كلام عليكي بس بجد انا بشكرك انك وقفتي جمبو مش عارفه اقولك ايه ولا اقولك كنت عايشه ازاي من غيروا يا ليلي 
_واهو رجع يا طنط وان شاء الله يفضل جمبك طول العمر 
_ان شاء الله يا حبيبتي
دخل ف الوقت دا عصام من باب الشقه كان لابس ترنج بيتي بنطلون رمادي واسه وتيشرت اسود كان شكله حلو مكنتش متعوده اني اشوفه كدا كان دايما بالجاكت الجلد والقميص الأسود دخل وكان ماسك كيس ف ايدو بص عليا وابتسم وغمزي غمزه خفيفه من غير محد يلاحظ بصيت علي مامتو لتكون شافت ورجعت بصيت قدامي
_اهو يا ماما جبتلك الطلبات اي خدمه
راح عندها وډفن نفسو ف حضنها وهيا ضمتو وباستو علي خدو كان زي الطفل معاها
_ تسلملي يا حبيبي 
_ايه دا عندنا ضيوف ازيك يا ليلي
مد ايدو عشان يسلم عليا وانا مديت ايدي وسلم عليا بس فضل يضغط علي ايدي جامد وانا أشد ايدي
_ايه دا عصومي انت جيت امتي
جات هنا من وراه وحضنتو هيا كمان قعدنا شويه وفضلت اقول لايمان ان احنا نمشي
_يلا يا طنط مع السلامه 
_انتو رايحين فين انتو هتقعدو تتغدو معانا النهرضه 
_لا يا طنط مره تانيه عشان معانا صيدليه واتأخرنا هنيجي مره تاني 
_لا لازم تقعدو اتغدو وامشوا
فضلت تتحايل علينا نقعد بس احنا اصرينا نمشي وفعلا نزلنا وركبنا مع حسام ونزلت عند الصيدليه وإيمان كملت مع حسام دخلت الصيدليه كان بقالي كتير مجيتهاش فضلت اشتغل حالات شويه ارتب العلاج شويه لحد مقاطعني صوت
_محتاج مسكن بعد اذنك 
_ايه دا عصام انت جيت امتي وعايز مسكن ليه 
_بقولك عايز مسكن 
_مالك طيب عايزه ليه 
_يبنتي عايز مسكن يعني عايزك انتي اصل انتي بتسكني روحي
كنت مخضوضه عليه اول مقال كدا ابتسمت وضړبته بخفه علي كتفه
_وبعدين معاك يا عصام .. وغير كدا ايه الكلام دا ايه الصله يعني بتقولو ليه 
_بصي انا جيت اقول كلمتين وهطير متمسكيش فيا بقا 
_ مش فاهمه 
_ لا فتحي مخك انا قلبي بتخبط كأني سارق عربيه وماشي بيها بالعكس
بصيت عليه وانا مستغربه وفضلت اضحك علي توتره
_يبني فيه ايه انا بجد مش فاهمه حاجه 
_انا مش بعرف اقول الكلام اللي بيتقال ف الأفلام اللي هوا من اول نظره وعيونك سرقوني بس لو كنت بني آدم طبيعي كنت قولت بحبك من زمان بس انا متلخبط ومش عايز اعيش من غيرك بجد بقا
بصيتله بسعاده وانا عامله نفسي مصدومه لما صارحني بكدا حسيت احساس غريب مش مفهوم بس اللي كنت فهماه اني ببقي مرتاحه وانا مع عصام
_ردي عليا بقا 
_ارد ع ايه 
_موفقه 
_موافقه ع ايه 
_بقولك ايه بقفي ايدي وع وشك
قالها بضحك وانا ضحكت عليه ومش عارفه اتلكم من الكسوف
_انطقي بالحكم بقا 
_ماشي يا عصام
لقيته حط ايدو ع قلبو وبيقول
_اهو قلبي اتحكم عليه بالحب المؤبد بس والله الحكم عاجبني مۏت 
_يبني اتلم احنا ف الصيدليه يا عصام 
_اهي الصيدله دي بقا عايزه تتباس عشان عرفتك فيها لمواخذه يعني من اول مقابله 
_هتاخدلي ميعاد امتي 
____________________________
فعلا جاه عصام عشان يقعد مع ماما بعد مخدت ميعاد منها كان لابس قميص اسود وبنطلون اسود شعروا الناعم كان متبعتر بطريقه لطيفه و امي كانت قاعده ف الصاله ع الكنبه هيا وخالو وانا واقفه ع باب الاوضه ولابسه فستان ابيض بسيط مع شعري القصير وشويه ميكب كان معاه حسام وامو وهنا دخلو وقعدوا مع ماما وإيمان كانت واقف جمبي طبعا حكيتلها ع كل حاجه و اټصدمت لما سمعت عصام بيتكلم ويريته ما اتكلم
_ازيكم يا جماعه انا عصام اللي جاي ف موضوع نضيف كدا متخافوش انا لابس من غير سلاح 
_يعني ايه جاي منغير سلاح احنا ف خڼاقه
قالها خالو وانا ماسكه نفسي بالعافيه وخاېفه ماما متوافقش او خالو وهوا بسم الله ماشاء عليه مخلاش ف نفسه حاجه ضربه حسام ف جمبو عشان يسكت واتكلم هوا وعرف ماما علي نفسو وامو وعيلتو
_احنا جاين بنيه كويسه ان شاء الله و..
كان حسام بيتكلم بس عصام قاطعه ف الكلام 
_ايوه احنا جاين بنيه
شريفه ان شاء الله انا بحب بنتكم وعايز اخدها بالحلال 
_وانت بقا يا عصام يبني بتشتغل ايه وظروفك ايه 
حياتك ماشيه ازاي 
_انا بصراحه اشتغلت كل حاجه بس حاليا بشتغل في صالة عربيات انا عارف انها ع القد بس اعمل ايه سبت شغلي القديم بقا وانا ناوي احط ليلي فوق دماغي مش هخليها تحتاج لحاجه ان شاء الله فضلت اشتغل ٢٤ ساعه وهجيب الشبكه والمهر والقايمه وهنكتب اللي تحبوه حتي لو كتبت نفسي فيها
كنت بسمع كلامه وانا مبسوطه ودموعي هتنزل من الفرحه اه كلامه مش مرتب بس كان حقيقي فضلت امو تتكمل مع امي وبعدين قروا الفاتحه طلعت وسلمت عليهم كان مبتسم وقالي
_مبروك يا سكتي
عدت شهور ع الخطوبه كنت اول مره احس ان فعلا لقيت حد يحبني بطريقتي كان بيحتويني بكل مخاۏفي رغم اول مره شوفته كنت خاېفه منو 
كان دايما يقولي اني اكتر حاجه نضيفه دخلت حياته بعد اهلو وانو مش هيسبها تتوسخ وسط ضلمتي وۏجعي عشان كدا مرجعش للشرب تاني اتغير خالص وبطل يشيل سلاح بقي يشيل ورد ساعتها عرفت ان الحب مش بيجي من باب وردي سعات بيجي بمطوه بس بيتحول لقلب
الاخير 
Heba Sayed