بقلم هبه السيد

حطيت شويه ميكب وعملت شعري
_انا متوتره يا ليلي بطني بتتقطع
فضلت اضحك عليها وانا بهدي فيها
_هيا بتبتدي كدا وبعدين بطنو هوا اللي هتتقطع
خرجت ايمان عند حسام وكان شاب كويس طويل وضخم شويه شعروا اسود وناعم مش عارفه ليه افتكرت فيه عصام كان لوحدو معاه صحابه بس الخطوبه مشيت كويس واليوم مشي زي ما ايمان كانت عايزه بظبط الناس فضلت تخف عرفتني ايمان ع حسام وكان محترم وكويس وفنص القعده طلع حسام برا استغلت ايمان الموقف ودخلت تاكل وكانو صحابنا من ايام الكليه حاضرين مشيت معاهم لحد الباب بس لمحت حسام واقف بعيد شويه مع حد وبيزعق وصوته كان عالي
_هيكون بيزعق مع مين هنا دا ميعرفش حد ف المنطقه
فضلت ماشيه شويه عشان اعرف ليه ايه لحد متصدمت من اللي شوفته كان واقف مع عصام
كنت بسأل نفسي مليون سؤال ف الدقيقه ربطت الأحداث ببعضها بس معقول دا حسام اخو عصام ازاي مخدتش بالي من الشبه والاسم فضلت أقرب لحد ميعتبر كنت واقفه وارهم ونا ماسكه قلبي ف ايدي
_تعالي يا دكتوره واقفه بعيد ليه
قالها عصام وتقريبا كان بيعيط وصوته كان ضعيف كان واقف وساند بضهره علي الحيطه
_تعالي شوفي اخويا اللي نفسو يشوفني وھيموت عليا البيه بيخطب وعايشين حياتهم عادي مش هاموا المتلقح هنا دا
_اهدي يا عصام مش كدا دا اخوك 
_انتي تعرفي الزباله دا منين
بص عليا وقالها وهوا بيشار علي عصام وانا قلبي اتقطع اول مسمعت الجمله معرفتش اقول ايه بس حاولت اتكلم عشان ميقولش حاجه لايمان او ايمان متعرفش حاجه عنو
_هوا هوا مريض عندي انا بشتغل صيدلانيه وبعالجه بحكم شغلي بس 
_انتي بتعالجي مين بتعالجي دا دا 
كان مستغرب وهوا بيتكلم وصوته كان عالي وفضل يشاور ع عصام وهوا مستغرب
_اديلوا فرصه بس والله هوا اصلا بطل حتي اسألوا حاول تتكلم معاه بس براحه و..
قاطعني عصام بزعيق وصوت مبحوح وكان واقف بالعافيه وبيشاور علي حسام اخوه
_انتي بتبرري بتبرري لواحد اصلا متبري من اخوه انا بعد مكنت هرجع وابوس ع ايدك واقولك تعال يا حسام شوفني عشان بطلت تعال يا خويا يا ضهري أوقف جمبي عشان خلاص هرجع الاقيك بتخطب والدنيا معاك زي الفل طب طب وانا بعد مرمتني زي الكلاب ومخلتش حد جمبي خليت صحابي اهلي وصحابي يبعدو مني بتكسف من نفسي اوي لما اشوفهم ويعملو نفسهم مش شايفني كأني خطيئه سبتني وحيد الفتره دي كلها يا اخويا يا ضهري كنت برضوا فاكر انك مستنيني ارجع كنت فاكر ان حياتك واقفه من غير اخوك لا بس برافو عرفت تكمل حياتك الف مبروك يا عريس نسيت مبارك
كنت بتقطع من كل كلمه كان بيقولها عصام وهوا بيعيط اول مره اشوفه كدا كان منفعل كنت خاېفه ليحصل حاجه قلبي كان مقبوض من الخۏف مش عارفه المفروض اعمل ايه وفضلت باصه ع حسام يعمل حاجه او يتكلم وفعلا اتكلم بعد ممسكه من هدومه وضربه بالقلم اټخضيت من صوت وقوة القلم وقربت منهم خطوتين وانا خاېف بس الغريبه ان عصام كان ثابت وباصص ف عينه عينه اللي كانت كلها عتاب وۏجع
_انت بتهرتل تقول ايه ياض دا انا اللي علمتك وكبرتك بعد ابوك يا غبي انا كنت ابوك بالنسبالك بس انت خونت دا خونتني وروحت طريق وسكه مش سكتنا يا زباله لا وكمان اتماديت ومرجعتش ولا اول كلمه ولا عاشر مسمعتش كلامي لما قولتلك السكه دي اخرتها غرق ارجع يا عصام سبتك واتماديت امك كانت بتتقطع علي حيوان زيك بالايام مكانتش بتاكل عشان زباله زيك وانت مقضيها لا وعايز كمان نوقف حياتنا عليك لا يا روح امك هتمشي وعادي كمان ليه كنت حرمه عشان نوقفها عليك بس بالنسبه لامك هيا فعلا وقفت عليك كل يوم تسألني عنك بس انا مكمل حياتي عادي لاني مربي راجل يالا عارفك هتتصرف بس يريتك يا خسيس متصرفت لا دا انت رجعت ألعن من الاول يا واطي كنت فاكرك هترجع ومش هنهون عليك سبتك عشان اشوف اخرك بس يمكن خۏفي عليك زمان اللي خلاك لين كدا 
قال كلامو اللي يقطع القلب ورمي عصام من ايدوا بعيد عنوا 
_بيتك مفتوحلك ف اي وقت ارجع لعقلك وتعال لأمك 
بص عليا وانا قلبي وقع ف ايدي وشاور عليا
_مشوفكيش مع الزباله دا
_انت مش اخويا انت مش اخويا ولا اعرفك
قالها عصام بنبره هاديه وكلها كسره وبص عليا واخد بعضوا ومشي مكنتش عارفه اعمل ايه اروح وراه ولا اكلم اخوه يمكن يلاقي حل روحت ورا حسام وناديت عليه
_انت لازم تبقي جمبوا عصام كان عايز يتعالج بجد والله ليه تكسره بكلامك كدا انت فاكره كدا هيفوق يعني 
طلعت التليفون بتاعي ووريته التحاليل والأدوية وانا ايدي بتترعش بس كان ثابت قدامي شاف التحاليل ومنطقش ولا كلمه
_انا قلبي كل يوم بيكسرني عليه وانا بشوف ابني مش اخويا بالمنظر دا بس كنت لازم اسيبه وابعد عنو شويه عشان اشوف هيتصرف ازاي بس كان أكبر غلط عملتو انا جيت النهرضه اخطب من غير اهلي امي مرضيتش تاجي ولا اختي عشانوا عايشين في حزن من يوم ممشي من البيت وانا مسبتوش لحظه عيني كانت عليه دايما وهتفضل طول العمر
سمعت كلامه من هنا وانا عيني دمعت من كلامه سابني ودخل جوا وانا رجعت اروح مكنتش هقدر ادخل قدام ايمان بمنظري دا مشيت ف الشارع ونا جوايا حزن عليهم دماغي وقفت مكنتش عارفه افكر ازاي وحال عصام دلوقتي ايه ف لحظه فكرت انو ممكن يرجع تاني للشرب ويعند مشيت وانا ف بالي مليون سيناريوا بس لمحت عصام ف الطريق قدامي ونسيت كل حاجه كانت ف دماغي فضلت انده عليه مكانش بيرد عليا كان ماشي يتسند ع الحيطان تقريبا كان بيرجع فضلت اسرع خطوتي لحد مبقيت جمبو
_انت كويس
بصلي وكانت عيونه حمرا ووشه لونه احمر من الانفعال ودموعه كانت لسه بتنزل كان حالته صعبه فضل يتسند علي الحيطه كان متجاهلني ومكمل مشي ولا كأنه شايفني 
_اصبر بقا يا عصام رايح فين
_ محدش له دعوه بيا امشي من قدامي اسمعي كلام البيه مش قالك متمشيش من زباله زيي
_طب اهدي استني هجبلك مايه
دخلت السوبر ماركت وجبتله مايه وعصير طلعت وكان ساند علي عربيه ف الشارع مديت ايدي بالميه واخدها مني ورماها بعيد
_بترميها ليه .. طب خلاص اهدي ضغطك واطي اوي خد اشرب العصير دا 
_مش عايز حاجه
كان بيتنفس بسرعه وباصص قدامو وكل شويه دموعه بتنزل اكتر كان متنح ف الطريق وباصص قدامو
_هما دول اهلي بقا اللي عيزاني ارجع عشانهم
بصيت عليه لما اتكلم معرفتش اقول ايه انا ذات نفسي قلبي واجعني بس اتكلمت عشان اهون عليه
_انسي الموضوع متفكرش فيه 
_انساه ازاي بس 
_والله هوا بيحبك وخاېف عليك دا كان بيقولي انك ابنو مش اخوه وانو عارف عنك كل حاجه بس سايبك انت اللي ترجع 
_هوا عايش حياته عادي من غيري 
_مهو اكيد هيعيش عادي عشان متحسش بحاجه وتتمادي فيها بقا 
_هوا انتي معاه ولا معايا
قالها بتلقائيه خلتني اضحك ڠصب عني ف وسط القلق اللي احنا فيه
_معلش والله من غير قصد الضحكه دي 
_لا يشيخه عاجبك حالي يعني وانا متشحتف كدا عشان تضحكي امشي يبت من قدامي 
_طب شوف اهو بتقول حجات بضحك عشان متقوليش ليه بتضحكي 
_اضحكي يختي اضحكي
قالها وسط دموعه وهوا كمان ضحك ضحك اخيرا بعد مكنت فاكره ان القيامه قامت من منظرو وصوته
_والله اخوك غلبان وبيحبك 
_اسكتي متجيبيش سيرته تاني البغل دا 
_ماشي هسكت عشان حالك دا بس 
_مالو حالي عشان الدمعتين دول لا دول نزلو عشان الموقف كان مؤثر بس كنت داخل عشان اديه موقف ف الرجوله طلعت وانا واخد كورس ف الاحاسيس
ضحكت ع كلامو كان بيقولو وهوا بيعدل هدومه ولسه فيه دموع كانت ف عينه دايما بيصعب عليا ودا السبب الوحيد اللي مخليني أقف معاه حتي لو هوا غلط 
يتبع.. 

_وبعدين يا عصام مش هتصالح اخوك دا حتي النهرضه هياجي عند ايمان عدي ع الموضوع كام يوم ايه منستش 
_طب منا كنت لوحدي سنين ومنستش
كان متغير من آخر خڼاقه مبينه وبين حسام كان دايما ساكت وسرحان ومرات يتعب ويفضل ف البيت بالايام بسبب انو وقف شرب مره واحده مكانش بينسي كان كل مقابلو يحكي ازاي سابوه لوحدو كأن الخڼاقه فتحت چرح قديم
_يعني هوا الكبير ولا الصغير اللي بيجي 
_الغلطان 
_طب وانت مغلطش
اول مقولتها بصلي بدون ملامح فضل باصصلي لفتره وبعدين بص قدامو وقال
_انا همشي
كان لسه هيتحرك وقفتوا بصوتي
_استني ياعصام رايح فين طيب خلاص خلاص مش هتكلم تاني
وقف جمبي وسند ع العربيه من قدام وكان حاطط ايدوا قدامو بصلي وابتسم
_يعني عيزاني اقعد 
_هوا انت ازاي كدا ف ثانيه بتقلب تكون بټعيط او زعلان وتضحك وتهزر
بصلي وكان لسه مبتسم وانا كنت مدايقه لان مش هيجي عند حسام معايا رجعت بصيت قدامي منغير ملامح كان نفسي يتكلم معاه ويحل المشكله ويرجع لأهلو ياتري ردة فعل امو هتبقي ازاي اول متشوف ابنها بعد السنين دي كلها وليه عصام سايب السنين تعدي منغير مايصلح اللي باظ قطع أفكاري صوته ..
_يستي خلاص هاجي معاكي بس بشرط
اول مسمعته بيقول كدا ابتسمت وكنت فرحانه كأني انا اللي معايا المشكله مش عصام رجعت بصيت عليه وقولت بسرعه
_اشرط يعم
كان بيقولها وبيضحك لدرجة اني مش فاهمه كان بيقول ايه ف الاول
_لو ضړبني تحوشي عني
كان بيهزر ويضحك كان بيضحك لدرجة دموعه كانت بتنزل احيانا كنت ببص عليه نظرة شفقه كان بيصعب عليا حالو انا عارفه ان لما بيضحك بيداري هموم ورا الضحك بس كنت بعدي الموقف عشانه .. فضلت كل شويه ارن ع ايمان عشان اعرف حسام وصل ولا لا بس المصېبه انها متعرفش انهم اخوات كنت عايزهم يتقابلو بعد من ايمان مكنتش عارفه اقولها امتي وازاي
_اول مرن عليك تعرف انو هيمشي وانت تقابله تحت البيت ماشي يا عصام ونبي ياعصام متتخانقش
_حاضر مش هتخانق بس هتخنق 
_متقلقش هشوف اللي بيحصل من بعيد لبعيد
قولتها وانا بضحك ع كلامه اللي مش بيخلي من الهزار سبته ومشيت عشان اروح عند ايمان كنت ببص ورايا اشوفه كنت بلاقيه لسه باصص عليه ومبتسم وصلت عند ايمان كانت قاعده هيا وحسام بيتكلموا
_ازيكوا عاملين ايه 
_تعالي يا ليلي دي ليلي حسام انت عارفها طبعا
كنت باصه عليه وخاېفه يقول حاجه من آخر موقف وإيمان تعرف اتكلم وكان باصص ف عيني
_ايوه اعرفها شوفتها يوم الخطوبه
ارتحت لما عرفت انو مقالش حاجه فضلو يتكلمو وانا دخلت الاوضه بتاعة ايمان كنت مستنيه يمشي عشان ارن ع