بقلم هبه السيد

قبل ممشي اتكلم بنبره هاديه
_انا كنت ف مصحه قبل كدا
بصيت عليه وانا شبه مصدمه مش لدرجة مصحه يعني وليه كل دا وفين اهلو
_طب وانت كنت ف مصحه ازاي وانت لسه بتشرب 
_خرجت منها بعد سنه ورجعت اشرب تاني 
_تشرب تاني ايه 
_اشرب تاني ايه اشرب شاي بلبن 
_انت علطول كدا تهزر لا بجد يعني اقصد ليه رجعت تشرب تاني
بصلي كدا خمس دقايق وكان ساكت بيشرب في السېجاره بتاعتو وبصلي
_هترتاحي يعني لما تعرفي 
_ايوه طبعا قولي بقا
اتنهد كدا وبص قداموا
_انا مدخلتش برضايا ف يوم كنت داخل البيت عادي وامي فضلت تزعق فيا عشان ابطل ف اللحظه دي دخل اخويا حسام الكبير اخدني المصحه ڠصب عني عمري مهنسي اليوم دا قالي لو متعالجتش متدخلش البيت تاني وامك تحرم عليك شوفتها ويحرمو عليك صحابك واخواتك وتمشي من هنا مشوفش وشك وفضل يضرب فيا لحد مكنتش قادر أسند طولي وانزف ف دمي اخدني وجرجرني علي المصحه زي الكلب دخلت وقعدت هناك سنه وفعلا بطلت مكنتش بشوف حد فيهم ولما طلعت حسام اللي استلمني وقعد يتكلم معايا اني مرجعش تاني للشرب والكلام دا بس خونت نفسي وخنتو ورجعت تاني مدخلنيش البيت وقالي لما تعالج نفسك ابقي ارجع اترميت ف الشارع حتي صحابي بعدو عني بسبب حسام فضلت ابيع ف المخدات اللي بشتريها لحد مدخلت شرك مع واحد ابن حرام هوا اللي عرفني ع الورشه واني اشتغل هنا انا ساكن ف الشقه اللي ف العماره اللي جمب الورشه وبس من ساعتها وانا مش بشوفو ولا بشوف حد فيهم
بصيت عليه وانا مش مصدقه اللي بسمعه قلبي وجعني فكرت ف امو حالها ازي دلوقتي وابنها بعيد عنها السنين دي مش بتشوفوا وحتي لو شافته منظرها هيبقي عامل ازاي واخواته بيفكروا ف ايه ولو شافوه صدفه بيحسو بأيه واخدين فكره عن اخوهم ازاي
_وانت ليه سايب نفسك كدا طب فين ابوك من كل دا
_اتوفي 
_يبني بصلي قولي ليه بتعمل كل دا انت عارف حالة امك عامله ازاي دلوقتي
بصلي مره واحده وكان قريب شويه مني كانت ملامحه قريبه شوفتها لأول مره عن قريب دقنه الخفيفه عيونه الحاده الحمرا شعرو المبعتر الناعم
_اهو بصيتلك هاا
بعدت عنو وقعدت شويه مش بتكلم
_ايه صعبت عليكي 
_اكيد يعني طب وانت ليه مش بتتعالج عشان امك حتي 
_هيا امي نفسها مش عيزاني حسام بقا مالي عنيها 
_وانت ايه اللي عرفك مش يمكن بتتقطع عليك وانت مش عارف 
_مهي لو كانت بتتقطع كان زمانها قالت لحسام رجع اخوك مكانتش سكتت
قالها بنبره مكسوره قالها وبعدين سرح ف الطريق قداموا
_طب وانت مش نفسك تروح وتشوفهم مش نفسك تبطل
افتكرت الراجل اللي جالوا الورشه وفضل يزعق معاه ساعتها
_طب مين الراجل اللي جالك ساعتها دا وفضل يتكلم معاك ويزعق
بصلي وكشر حواجبه ف بعض وابتسم
_دا انتي بتراقبني بقا 
_اكيد لا انا كنت معديه صدفه والله 
_ماشي يستي.. دا عمي بياجي كل فين وفين يشخط فيا ويسمني بكلمتين ف بدني ويمشي 
_طب واخوك حسام يعرف مكانك هنا يعني وانت تعرف مكان اهلك 
_انتي ليه محسساني انك بتكلمي عيل تايه ايوه يستي عارف بيتنا اكيد وكمان اكيد حسام عارف مكاني يعني
بصيت عليه وكان حالو يقطع القلب ازاي حد عايش من غير أهل لا وعارف اهلو فين بس مش قادر يروح هناك
_انت بجد لازم تتعالج ليه يبني حارم نفسك من كل حاجه عشان حاجه ملهاش اي تلاتين لازمه بجد 
_ممكن عشان مش عايز ادخل المصحه تاني واخد بالسنين هناك 
_طب لو انا ساعدتك هتوافق
قولتها بلهفه وانا منتظره يوافق ومستنيه اليوم اللي يرجع يشوف اهله تاني بصلي وكان مبتسم
_وابقي زي بتوع الأفلام وجات البطله غيرت حياة البطل بقا وساعدته من الادمان 
_انت مش طبيعي بجد ف كل اللي انت فيه عندك وقت للهزار 
_هاا بقا قولت ايه وافق عشان اهلك يبني حتي يعني اخواتك موحشوكش ولا امك حتي وخليك عارف ان مفيش ام ف الدنيا بتكون مش عايزه ولادها وبتبقي دايما شيفاه عيل وبيغلط مهما كبر
بصلي بصه بدون ملامح ورجع بص ع الشارع تاني
_ايه اعتبر انك موافق 
_ماشي يستي لو دا يخليكي تبطلي زن وتنزلي من دماغي 
_يبني بطل تكابر بقا
قولتها وانا بضحك بصيت عليه لقيته مبتسم وقال
_قوليلي بقا ايه الحجات اللي معاكي دي 
_دا فستان عشان خطوبة ايمان بعد بكرا سيبك مني المهم انت بكرا تروح وتعمل تحليل مخډرات ماشي وتبعتهولي انا هديك رقمي عشان مش هبقي ف الصيدليه بكرا وهبقي اقولك تجيب ايه علاج
كان لسه باصص عليا ومبتسم وكنت خلاص قربت اوصل البيت اديته الرقم وكنت لسه هدخل البيت
_شكرا ليكي اول مره لاقي حد يسمعني وميمشيش
قالها وبعدين رجع يمشي تاني بصيت ف اثروا وانا مش مصدقه انو بيشكرني كنت مبسوطه انو اخيرا اتكلم 
يتابع...

_انا خاېفه الساقع الجاتوه دا ميكفيش
بصتلها بحنيه وانا بضحك
_يا ايمان حرام عليكي والله هيكفوا وترتيني معاكي 
_تمام يستي تعالي بقا للميكب الست بتقولي هتيجي الساعه واحده 
_طب وايه المشكله 
_حسام قلي انو هيجي الساعه خمسه يعني هتأخر 
_يا حبيبتي اكيد هتخلصي دول خمس سعات يا ايمان بطلي توتر بقا يخربيتك انا بجد مش عارفه ايه الخطوبه اللي بسرعه دي من يومين كان لسه متقدم 
_يبنتي هوا صاحب أحمد وعلطول كان بيجي ل أحمد يعني يعرفني مقولتلك الكلام دا مليون مره 
_متشوفيلنا امك بقا عملت الاكل ولا ايه انا جوعت يا ايمان
ف اللحظه دي تليفوني بعت ماسج وكانت ايمان راحت تشوف الاكل فتحت التليفون علي رساله
ازيك .. انا عصام 
فتحت الرساله ودخلت علي البروفايل كان لابس جاكت جلد اسود وبنطلون اسود وساند علي عربيه ابتسمت اول مشوفته ورديت عليه
عامل ايه ..عملت التحاليل
لسه مطلعتش
طيب لما تطلع ابقي ابعتهالي 
اللي تأمر بيه يا دكتور 
ابتسمت اول مقال كدا حسيته اندمج وبقي بيتكلم بس يارب يفضل كدا لحد ميتعالج او علطول يبقي كدا
_ايه سبب الابتسامه اللي من الودن للودن دي
كان صوت ايمان اول مسمعتها خرجت من الشات وقفلت التليفون مكنتش عايزه احكيلها ولا اشغل دماغها ف يوم زي دا بحوار عصام دا غير إنها مكانتش هتوافق من اساسو
_ولا حاجه يبنتي تعالي ناكل بس وسيبك انتي
قعدنا ناكل وفضلنا نتكلم شويه وبعد مخلصنا غيرنا ولبسنا عشان خارجين
_هنروح نعمل ضوافري وبعدها هنعدي علي الخياطه اشوف ظبطت الفستان ولا ايه و..
_اهدي واحده وحده محدش بيجري ورانا معانا اليوم كلو اهو 
_عايزه اروح بدري فيه كام حاجه عايزه اعملها
مشينا وروحنا عملنا الضوافر بسرعه ومشينا عدينا علي الخياطه وكانت مقفوله كملنا طريقنا وراجعين البيت ايمان روحت وانا مشيت مسكت التليفون بتاعي ودخلت ع الشات لقيته باعتلي صورة تحاليل مش عارفه ليه كنت عايزه اشوف هوا فين اتعودت بعد مخلص الي اليوم اشوفه لقيت رساله اتبعتت تاني منو
مستنيكي عند الورشه عايزك ضروري 
قريتها وقفلت التليفون وانا ماشيه وكدا كدا الورشه ف الشارع بتاعنا فكرت مثلا هيكون عايزني ف ايه ضروري عشان التحاليل كنت شيفاه من بعيد شويه واقف عند مدخل العماره اللي جمب الورشه علطول ومخبي كيس ورا ضهروا وصلت عندوا وبصيت عليه كنت مستنيه يتكلم
_خدي الكيس دا 
_ايه الكيس دا 
_بوزع شنط رمضان
كان مادد ايدوا اخدت الكيس منو عشان اشوف فيه ايه وكان فيه شوكولاتات وحلويات رجعت بصيت عليه تاني وانا مش فاهمه بس كنت مبسوطه
_ودا بمناسبة ايه بقا 
_عادي يعني عشان بتساعديني وكدا حبيت يبقي فيه مبينا عيش وملح
كان بيطلع سجاير من جيبو
_ايه دا احنا بقا معملناش اي حاجه من عندنا بقا 
_دي سجاير بس والمصحف
قالها وهوا مادد ايدو عليا بالسېجاره وهوا بيضحك كنت باصه عليه وانا مبتسمه
_هتروح بقا الصيدله وتجيب العلاج اللي هبعتهولك انا هكلم الدكتور عشان لو مفيش علاج عندو معين يلحق يجيبو 
_وتكلميه انتي ليه هكلمه انا
بصيت عليه ومستغربه نبرة صوته اللي اتغيرت وكنت لسه هتكلم وقاطعني
_عشان مش بحب حد يعملي حاجه يعني بحب اعمل حاجتي بنفسي
بصيت عليه وانا مبتسمه نص ابتسامه
_اممم قولتلي 
_روح لأهلك بكرا ياعصام وقولهم انك هتتعالج هيفرحوا جدا
بصلي باستغراب وسكت مره واحده حتي الابتسامه اختفت
_مينفعش لازم لما اخلص الأول عشان لو رجعت للمخډرات تاني مبقاش ضحكت عليهم 
_نعم ترجع تاني يعني ايه وبعدين انت عشان تتعافي تاني محتاج مش اقل من سنتين هتقعد الوقت دا كلو بعيد عنهم
ضحك ضحكه كلها هموم
_منا بعيد من زمان جات ع السنتين دول يعني 
_متقولش كدا صدقني كل حاجه هتتعوض وكل يوم عشتوا بعيد عنهم لما تبقي كويس اكيد هتعيش اللي احسن منو معاهم
_متعمليش فيها الفزلوكه ونبي انا منمتش من امبارح ومصدع ومش قارد
بصيت عليه وانا مش مصدقه وانا مبرقه ومبتسمه
_متقولش 
بصلي بنفس ابتسامتي
_اه يستي انا مبطل من كام يوم كدا افرحي بقا
كنت مبسوطه وبضحك علي ضحكته كأنو حد من عيلتي كنت فرحانالوا بجد
_بس لازم العلاج ومتفوتش يوم لازم تلتزم يا عصام 
_يا عصام انتي تعرفي اخر واحد ناداني بأسمي ماټ بعدها 
_نعم ايه يبني الملافظ سعد مش كدا
افتكرت ف الوقت دا حاجه مهمه وكنت لازم اسأله عليها
_صح مش انت تاجر مخدات ازاي هتبطل دي كمان يا فالح 
_عادي هصفي شغلي لحد تاني مش حكايه يعني يا فالحه
قالها بابتسامه وانا ابتسمت معاه
_ كملها بقا وقولي انك هتروح لأهلك ونبي بقا
كنت بتحايل عليه يروح وهوا كان ساكت مش عارفه ليه اول مجيب سيرة اهلو وشوا يتقلب
_مقدرش اوعدك بكدا بس اوعدك اني احاول
بصلي ورجع يبتسم تاني مكنتش فاهمه هوا بيقلب كدا بسرعه ازاي
_ممكن انتي بقا تقوليلي انتي بتساعدني ليه
مكنتش عارفه اقوله ايه او يمكن دا السؤال الوحيد اللي مش عارفه اجابتوا
_عادي يعني بحب اساعد .. انا همشي عشان متأخرش بقا سلام 
_خدي سلامي يا قلب اخوكي 
_قلب اخوكي  
_هيا بتتقال كدا بقا اعمل ايه
قالها وهوا بيضحك وبعدها مشيت وانا مبتسمه ومبسوطه دايما بتبقي جوايا فرحه وراحه لما اتكلم معاه بصيت ورايا اشوفه كان واقف لسه وبعدها كملت طريقي لحد البيت دخلت البيت وقعدت مع ماما وريم واكلنا ودخلت عشان انام وانا قاعده علي السرير وبقلب ع التليفون لقيتني داخله علي البروفايل بتاعه وانا بشوف صورته وانا مبتسمه وكانت اخر حاجه اشوفها بعدها نمت 
____________________________
صحيت تاني يوم متأخر علي رنات من ايمان يدوب قومت فطرت وقعدت شويه عشان اروح عند ايمان وقبل مطلع بعدت ل عصام الادويه اللي هيجبها ومشيت عشان كنت متأخره
_كل دا تأخير يا ليلي
قالتها ايمان وهيا تحت ايد الميكب ارتيست وهيا بتحطلها الميكب
_معلش يا إيمي يا حبيبتي اخدتني نومه بس هروح اشوف البنات خلصوا الديكور ولا لسه
الوقت عدي بسرعه دخلت اجهز ولبست الفستان بتاعي اللي كان لونه بينك كان بسيط مفيهوش حاجه