بقلم هبه السيد

_محتاج سرنجه لو سمحتي
دخل عليا شاب طويل شعروا اسود ناعم ومبعتر بعشوائيه عيونه حاده ولونها احمر
_فين الروشته 
_لا انا باخد من غير روشته 
_نعم لا طبعا لازم الروشته مينفعش يا استاذ اتفضل
سحب مطوه من جيبوا وفتحها ف وشي ومن سوء حظي ايمان صحبتي اللي بتشتغل معايا ف الصيدليه راحت تجيب فطار فضلت مبرقه فيه من الخۏف
_اصطبحي وقولي يا صبح وانجزي 
_عايزها ٣ سنتي ولا ٥ سنتي 
_٥ وعلي الله حد يعرف اني جيت هناا هتبقي ليلتك غبره ان شاء الله 
_لا وعلي ايه يا استاذ مع السلامه حضرتك 
رمالي الفلوس ف وشي واخد بعضوا ومشي 
_يارب مكونش اتأخرت عليكي 
_كنتي فين كل دا كنت هروح فيها دلوقتي 
_ايه دا مالك فيه ايه 
_شوفتي اللي كان طالع دلوقتي دا يدوب طالع دلوقتي 
_ايوه يبنتي مالو 
_جاه هنا وفتح عليا المطوه وهددني واخد سرنجه ومشي 
_ينهار اسود احنا لازم نبلغ طبعا الكاميرات موجده تعالي
مسكتها من ايدها ووقفتها
_استني بس يا ايمان بقولك هددني وقالي علي الله حد يعرف 
_انتي تقصدي ايه منبلغش انتي اټجننتي ولو رجع دلوقتي تاني هنعمل ايه 
_ساعتها هنبلغ بس مش هنعمل حاجه بقولك هددني وفتح عليا المطوه لو اتكلمت 
_طب انا هقول ل أحمد اخويا يكون يعرفوا ولا حاجه 
_احمد اخوكي ايه بس اللي هيعرف الأشكال دي 
_بصي احنا نحول من هنا خالص كدا كدا مفيش شغل كتير هناا 
_اتنيلي احنا مصدقنا لقينا شغل يا ليلي صباح الفل
قعدنا نفطر واليوم خلص علكدا وانا مروحه البيت وصلنا عند بيت ايمان صحبتي كان ف نفس المنطقه
_متيجي تباتي عندي النهرضه بقالك كتير مجيتيش 
_لا يا ايمان تعبانه النهرضه وعايزه اروح ھموت وانام 
_طيب يلا هوصلك
فضلنا نمشي ونتحكي البيت مكانش بعيد
_كفايه يا بنتي هترجعي لوحدك كل دا 
_اهو عشان تتحسب جميله بقا وكدا 
_طيب يلا ارجعي سلام
سابتني ومشيت وكملت لوحدي الدنيا مكانتش ليل مكنتش خاېفه بس اول مشوفتوا اټرعبت وفكرت اني ارجع امشي من الشارع التاني كان شغال ف ورشة عربيات عملت نفسي مش شايفه وفضلت اسرع ف خطوتي
_استني عندك
سمعت صوته من هناا وفضلت اجري مش عارفه رجلي وخداني علي فين بس اللي اعرفه اني لازم اجري فضلت اجري واسرع ف خطوتي لحد موصلت عند البيت دخلت بسرعه وقفلت الباب
_ايه يا حبيبتي مالك وشك مصفر كدا ليه 
_كان فيه شويه كلاب بيجروا ورايا بس يا ماما متقلقيش بقولك ايه انا ھموت جوع ممكن تعمليلي اكل
كنت قاعده باكل علي السفره وانا بفكر ف ملامحه للحظه حالو صعب عليا
_بقولك يا ماما هيا هنا فين مش باينه كدا 
_ف الدرس يا حبيبتي ليه 
_لا عادي انا هقوم انام عشان صاحيه بدري وممكن اواصل لحد الصبح بقا يلا تصبحي علي خير
دخلت الاوضه وغيرت وقعدت علي السرير مسكت التليفون وقعدت اكلم ايمان علي الواتس لحد منمت 
______________________________
_يلا يا ليلي قومي هتتأخري علي الصيدليه
فتحت عيني بنعاس وبصيت ع الساعه بعدها قومت لبست وانا وطالعه
_يلا يماما سلام انا همشي بقا
خرجت برا البيت وقفلت الباب ورايا ومشيت ووصلت قدام الورشه لقيتها مقفوله وافتكرت موقف امبارح ومشيت بسرعه قربت من الصيدليه ولقيت حد واقف قدامها افتكرت حد مستني اني افتح عشان ياخد ولا حاجه كان مديني ضهره
_بعد اذنك لو سمحت هفتح دلوقتي اهو 
_اتأخرتي ليه هيا الصيدليه دي ملهاش ميعاد ولا ايه
لقيته هوا كان ماسك سېجاره وساند علي الباب اټخضيت منو بس مسكت نفسي
_خير فيه حاجه ولا جاي تاخد سرنجه تاني علفكرا انا مش هديك حاجه تاني ومش خاېفه منك
بصلي ومكانش بيتكلم ولا حتي كان بيتحرك عينه كانت بتتحرك ببطئ كان هيتكلم بس قبل مينطق لقيت السېجاره وقعت من ايدو ووقع علي الارض فجأه
_يا نهار ابيض
اټخضيت وجريت اشوف مالو
_انت سامعني رد عليا
معرفتش اعمل ايه فضلت انادي علي اي حد يجي وفعلا الناس اتلمت والاسعاف جاه واخدوه وانا مكنتش اعرف حتي هوا مالو
معرفتش اعمل ايه فضلت انادي علي اي حد يجي وفعلا الناس اتلمت والاسعاف جاه واخدوه وانا مكنتش اعرف حتي هوا مالوا كنت واقفه ف الصيدليه وبالي مشغول مالو ووقع مره واحده ليه ايمان مجاتش اليوم دا كملت اليوم لوحدي واليوم عدي ومشيت وانا ف الطريق بصيت علي الورشه لقيتها مقفوله وصلت البيت ودخلت
_وبس يبنتي جات الإسعاف واخدوه ومعرفش بعدين حصل ايه 
_معرفش يا ايمان كان عايز ايه بقولك اغمي عليه فجأه
قعدت واتكلمت مع ايمان علي كل اللي حصل ف اليوم وبدون وعي مني دخلت علي جوجل ابحث سبب الاغماء المفاجئ قفلت كل حاجه وفضلت اكلم نفسي
_هوا بلطجي ولا مريض ولا ايه بظبط 
نمت وانا بفكر ف الموضوع واللي حصل صحيت تاني يوم علي صوت رنات التليفون كانت ايمان بتستعجلني عشان مستنياني لبست وطلعت
_كل دا انا قفاياه اتلفح من الشمس 
_مجيتيش ليه امبارح 
_ولا سلام ولا كلام داخله ف الموضوع علطول كدا هوا انتي كل مسيبك لوحدك لازم يحصل حاجه
ضحكت علي كلامها وفضلت احكيلها الموضوع للمره اللي مش عارفه كام وازاي انا لحقتوا وكنت البطله ف القصه وصلنا الصيدليه وكان يوم عادي كنت متوتره ومستنيه يدخل ف اي لحظه ويجي كنت برص العلاج علي الرف
_ممكن اللي ف الرشته لو سمحتي
كان صوته بصيت ورايا كان هوا ايدو متركب فيها كانيولا وساند نفسو بالعافيه مديت ايدي عشان اشوف الروشته واشوف العلاج واعرف مالوا بس شدها تاني
_اهو المره دي بالروشته بقا نبرتي فيها كويس 
_نعم وغير كدا مش انت روحت المستشفي جايب الروشته دي منين 
_انتي اجبها مش عاجب مجبهاش مش عاجب برضو روحت دكتور يستي 
_بصراحه انا معرفش انت مين ولا بتعمل ايه او كنت عايز ايه امبارح بس يلا 
_بصراحه ولا انا .. بس لما فوقت كان اول وش ف بالي هوا وشك
استغربت من طريقة كلاموا اخدت ايمان الروشته وجابت العلاج
_العلاج دا لمده ٣ شهور والاحسن انك تنتظم عليه 
مد ايده ياخد العلاج ولما قرب لمس ايدي بالغلط سحبت ايدي بسرعه وقال بهدوء
_انا مش جاي اخوفك تاني بس شكرا يعني
لف ضهروا وكان هيمشي
_استاذ عصام انت ممكن تبطل اللي انت بتاخده يمكن يكون السبب ف الأنيميا الحاده اللي عندك
فضل علي وضعيتو مديني ضهروا خلاني اخلص كلامي ومشي مشي من غير ميقول ولا كلمه
_هوا مالو دا
قالتها ايمان بستغراب وانا بصيت عليها وهزيت راسي اني مش فاهمه برضوا عدي اليوم ومشينا وفضلنا نتكلم واحنا وماشين
_اخيرا بكرا الجمعه يعني مفيش صيدليه ولا صحيان بدري يلا بقي نطلع بكرا نروح كافيه جديد مثلا او اي حته
_يجي بكرا الأول يست ايمان بس 
_اهو قولتلك هنطلع ملكيش حجه بعد كدا
ايمان وصلت بيتها وفضلت ماشيه وانا بفكر فيه 
_هوا انا ليه كل شويه بفكر فيه هوا ايه دا ميولع بقا انا مالي
فضلت اقنع نفسي بكدا لحد موصلت قدام الورشه كانت مفتوحه بس مفيش حد برا اتوترت شويه وقولت لنفسي همشي بسرعه من غير مشوف ولا ابص وفعلا مشيت وطلع حد من الورشه افتكرت هوا بس كان شاب تاني كملت للبيت ودخلت نمت علطول 
_______________________________
صحيت علي رنات ع التليفون
_عايزه ايه يستي سيبيني أنام بقا 
_وعايزه تروحي فين بقا تشمي هوا طب متعزميني ف البيت عندك وفكك من الخروجه ايه رأيك.. طيب مسافة السكه وهبقي عندك
قومت وغيرت هدومي ولبست عشان رايحه عند ايمان 
_يلا يماما عايزه حاجه 
_يبنتي اقعدي افطري انتي كل يوم كدا 
_يماما فطار ايه العصر بس يلا سلام
طلعت من البيت وانا ماشيه ف الشارع لقيتوا كان ساند ضهروا ع العربيه كأن مستني حد مكنتش عارفه ايه اللي جابوا هناا قريب من بيتنا عملت نفسي مش شايفه وكملت مشي عادي
_استني
اتوترت وبصيت عليه لقيتوا باصص عليا وقام من العربيه وجاه خطوات لعندي
_هوا انتي عايزه مني ايه 
_نعم تقصد ايه 
_ايه كلامي مش مفهوم 
_ايوه مش مفهوم وبعد أذنك بقا عشان عايزه امشي 
_امشي ومالو
سبته ومشيت وانا متلخبطه ومش عارفه فيه ايه هوا ليه بيقول كدا وصلت عند ايمان وقضينا اليوم عندها لحد بالليل واحنا وماشين ف الطريق
_وانتي بقا يستي العريس دا عاجبك 
_سيبك من عريسي وخلينا ف البلطجي بتاعك 
_تعرفي يا ايمان ع قد مهو مش كويس بس بيصعب عليا والله يعني شوفي واحد مدمن مش معاه صحاب ولا أهل والله اعلم عايش فين ومع مين
_هوا انتي مركزه معاه ليه تعرفي انا لو مكانك كنت بضهر ايدي وبالقلم ع وشو لو وقفني 
_قلم مره واحده انتي عيزاه يطفي السجاير ف رقبتي ولا ايه دا خطړ ع الكوكب يبنتي
فضلنا نتكلم ونضحك وإيمان مشيت وكملت الشارع بتاعنا لوحدي شوفتوا من بعيد قبل مقرب من الورشه كان ساند ع العربيه وماسك سېجاره ومشغل اغاني قديمه وسرحان خۏفت معدي وماشيه وانا قلبي ف ايدي الدنيا ليل وانا وهوا يعتبر وحدنا ف الشارع فضلت ماشيه لحد موصلت قصادوا كدا
_ولما انتي خاېفه بتتأخري ليه
بصيت عليه كان وشه مليان تعويرات زي ميكون كان پيتخانق ورابط ايدوا الشمال وماسك بيها السېجاره
_انت بتكلمني انا 
مسك السېجاره اللي ف ايدوا وبص عليها وقال
_والله لسه الحشېش معمليش دماغ عشان اكلم نفسي
اول مقال كدا اټرعبت والخۏف دخل ف قلبي وبصيت قدامي وخلاص همشي
_ايه خاېفه مني .. هوا انتي كنتي فاكره ايه مثلا اول متقولي بطل هروح انا يعيني زي بتوع الأفلام ابطل واقولك من اول يوم شوفتك فيه وانا بطلت وتوبت
ضحك ضحكه سخيفه وكمل شرب ف السېجاره اتنرفزت وكنت عايزه ارد عليه حسيت نفسي مدلوقه عليه فعلا
_والله يا استاذ دا لنفسك مش ليا ولما بكرا تترمي ف المصحات ومحدش يسأل عليك ابقي متنساش تضحك الضحكه دي سلام
قولت آخر كلمه وانا بمد فيها وسبته ومشيت بيتنا يعتبر قريب من الورشه وصلت البيت ودخلت وانا مټعصبه شويه رميت الشنطه علي الكنبه وقعدت علي طرفها
_هوا ايه القرف دا بجد انسان مستفز مش عارفه ليه حد يمكن يعمل ف نفسوا كدا بجد
كنت بكلم نفسي ودخلت المطبخ اعمل حاجه أكلها مش فاهمه ليه كل ما الموضوع دا يتقفل يرجع يتفتح تاني تاني يوم صحيت بالعافيه كنت نايمه متأخر وكمان بسبب التفكير الكتير فتحت الشباك وطلعت افطر
_مالك يا ليلي بقالك كام يوم مش ع بعضك كدا يدوب بتيجي تنامي علطول خير فيه حاجه ولا ايه يا حبيبتي
قالتها امي واحنا بنفطر اتوترت وفكرت للحظه اقولها او اسألها يمكن تعرف مين اهله بس سكت لاني كنت خاېفه
_لا يماما هيكون فيه ايه يعني ضغط شغل بس متقلقيش يلا انا همشي بقا
سبتها وخرجت كنت بفكر ف ملامحه وطريقة كلامه وقطع صوت أفكاري زعيق من الورشه مشيت لعندها عشان اسمع فيه ايه كان صوت راجل كبير
_هوا انا كل شويه هلم وراك كل