بقلم هبه السيد
عصام .. فضل قاعد يجي لحد بعد المغرب واخيرا نزل مسكت التليفون بسرعه ورنيت ع عصام كان قاعد تحت مستني دخلت عليا ايمان
_مالك قاعده لوحدك هنا ليه
_ايه .. لا مفيش انا انا همشي بقا
_استني يا ليلي هوا فيه ايه انتي مخبيه حاجه
_هخبي ايه يا ايمان بس دا انا همشي عشان امي بس رنت عليا كتير
سبتها ومشيت من قدامها مش بعرف احط عيني ف عينها لاني مقولتلهاش الحقيقه واني بساعد عصام من اساسو نزلت بسرعه ع الشارع وانا بدور ع عصام وحسام مش شيفاهم ف الشارع فضلت ماشيه بدور عليهم فكرت اني ارن ع عصام بس لما دخلت الشارع بتاعنا كانو واقفين قدام عربية عصام قربت منهم وفضلت أقرب منهم براحه لحد مبقيت يعتبر جمبهم كانو باصين لبعض محدش فيهم كان بيتكلم قولت اتكلم انا عشان ابسط الأمور شويه
_استاذ حسام عصام حابب يتكلم معاك شويه وكدا
بصيت ع عصام عشان يتكلم وكان ساكت برضو مش بيتكلم لحد ما حسام اتكلم
_بص يا عصام احنا مش ف خڼاقه وانت عارف اني عمري مسبتك صح
كان باصص عليه ومش بيتكلم ساكت مربع ايدوا ع صدرو وساكت
_كل يوم كنت بشوفك حتي لو من بعيد عايزك تسند نفسك كنت بتدلع ولما سبتك ادلعت بزياده كمان بسم الله ماشاء اخويا تاجر مخډرات هنا ف البلد مين كان يعرف ان عصام النجار يبقي تاجر مخډرات هاا تاجر مخدارت ياعصام دا انت اخر حاجه تاجرت فيها كانت كراتين الشبسي يالا ايه اللي حصلك ومتعملش بقا الاسطوانه الحمضانه بتاعة انتو سبتوني ورميتو عضمي ناشف والجو دا لأنك عارف كويس انك من قبل مسيبك وانت كدا ولا نسيت .. ع العموم انا خلصت كلامي بس شوفتي ليك مخلصتش
ادالو ضهرو وكان هيمشي بصيت ع عصام كان ساكت تماما حتي مكانش بيرمش
_انت هتسيبه يمشي روح عندو يا عصام انتو ملكوش غير بعض كفايه بعد باين انو بېخاف عليك ونبي يا عصام روح بقا
_تفتكري هيوافق بيا بعد اللي عملته
كان بيقولها وهوا ع حالو سرحان وهوا بيقولها وباصص قدامو
_روح يا عصام قبل ميمشي بقا
اخيرا اتحرك من مكانو فضل ماشي براحه ساكت حسام كان لسه واقف مكانو كأنو عارف انو هيجي اتفاجأت لما لقيت عصام حضنو من ضهروا حتي حسام اتخض من الحضن مكانش متوقع لان عصام دايما يتخانق وينتهي بالضړب
_متسبنيش يا حسام انا من غيرك ضايع
ابتسمت لما قالها .. قالها بنبره هاديه وضعيفه وكأن بيسترد الأمان من اخوه اتعدل حسام وكان مبتسم وحضنو جامد
_مقدرش اسيبك مقدرش
_كل السنين دي وانا مش انا من يوم مسبتكو وانا مش كويس انا مقدرش اقعد من غيرك يا حسام انت ضهري وانا ضهري كان كل السنين دي مكسور من غيرك
بعد عن حضنوا
_بس يالا متقولش كدا ولا عاش ولا كان يا عصام اللي يكسر ضهرك وانا عايش او مېت .. وغير كدا انشف كدا مالك دا حتي كنت تاجر مخډرات ولا ايه
كان بيضحك ويغمزلوا والأمور هديت اخيرا لحد مقطع الكلام دا صوت من ورا حسام
_انتو بتعملو ايه انتو التلاته
بصيت والمصېبه كانت ايمان كانت كأنها تايهه مش فاهمه حاجه قربت مني ووقفت وسطنا
_انتي بتعملي معاهم ايه يا ليلي وليه حسام واقف هنا
_اهدي يا ايمان هفهمك
_انا مش فاهم ايه الغلط يعني ف اني أوقف مع اخويا والدكتوره اللي بتساعده
_اخوك عصام يبقي اخوك
_اه اخويا ليه مصدومه كدا هوا معيوب ولا ايه
كان حسام ماسك عصام من ايدوا حسيت ان فيه خڼاقه هتحصل وقولت اهدي الأمور بس هيا هديت لوحدها لما لقيت عصام وقع علي الارض من غير مقدمات كلنا اتخضينا وجريت عليه
_عصااام
_ايه دا ماالوا
_عصااام يا عصااام
قالها حسام وكان بيضرب ع خد عصام عشان يفوق كنت مخضوضه و خاېفه عليه ليكون حصلوا حاجه كنت ماسكه ايدوا وحسام بيحاول يفوق فيه بس مش بيفوق قولت بصوت مخضوض مكنتش عارفه اعمل ايه
_احنا لازم نروح المستشفي مش هيفوق
شالوا حسام وطلعوا العربيه ف الكرسي الورا قعدت جمبوا وفضلت ماسكه ايدوا اتحرك حسام بالعربيه بسرعه علي المستشفي
_______________________________
_يعني يا دكتور هيا حالتوا مستقره وايه سبب الاغماء دا
_احنا عملنا تحليل وبان انوا تقريبا كان بيشرب نوع مخدر ولما وقف فجأه حصل كدا دا غير الأنيميا الحاده اللي عندو
_بس ازاي يا دكتور هوا بياخد علاج اصلا
_يمكن يكون وقفه مثلا ومكملش
_طب هوا هيفوق امتي
_شويه كدا وهيفوق بعد اذنكم
مشي الدكتور وفضلت واقفه قدام الباب مستنيه يفوق كانت ايمان بتتكلم مع حسام آخر الطرقه وانا مش قادره امسك نفسي عايزه ادخل فتحت الباب ودخلت وبعدين قفلتوا كان نايم ع السرير ف ايدو محلول متعلق قربت من السرير وانا لسه مخضوضه عليه مسكت ايدوا اللي فيها الكانيولا
_اول مره اتعلق بحد كدا يا عصام اول مره احس اني فعلا مستنيه حد كل يوم عشان اشوفه معرفش ليه كنت عايزه اساعدك بس اللي كنت اعرفه اني عايزه اشوفك فاكر ياعصام لما كنت بتقولي انتي عايزه مني ايه عارف انا عايزه منك ايه انا مش عايزه منك غير انك تفضل واشوفك كل يوم
كنت بقول الكلام وعيني بتلمع مفكرتش قبل كدا كميه الوحده اللي هحسها لما عصام يمشي ف يوم حتي لو ايمان موجوده بس ايمان انشغلت بحسام فكرت ف الموضوع لمده ثانيه ودموعي بدأت تنزل لاني ممكن احس بالوحده كان عصام بدأ يفوق ويفتح عينه قاطع تفكيري وعياطي بنبرة صوته الهاديه والضعيفه
_ايه دا انتي بټعيطي
رفعت راسي ولقيته صاحي بدأت امسح دموعي بأيدي
_انت كويس
_انا كويس انت بټعيطي ليه بقا
_لا مش بعيط ولا حاجه افتكرت حاجه بس
_حاجة ايه بقا اللي مخلياكي متشحتفه كدا
_قولتلك مفيش بقا ويلا قوم عشان نمشي وبطل دلع
بصلي وابتسم ولمس ايدي
_انتي كنتي بټعيطي عشاني صح علفكرا انا حسيت بأيدك بتمسك ايدي ف بتأكد انها ايدك فعلا ولا لا
سحبت ايدي وانا مش عارفه اقول ايه كل كلمه كانت صح انا فعلا بعيط عشان خاېفه يسبني وفعلا مسكت ايدوا
_انا كنت بشوف حرارتك مش اكتر
_ماشي يستي ماشي مصدقك هتعيطي ليه
_انا مش هعيط علفكرا وبعدين تاني مره متوقعش وتخضنا كل شويه
_تخضنا هوا انا عندي هلاوس فعلا ولا ايه اصل مش مصدق وداني ولا عيني بصراحه دا انا اتعب كل يوم بقا
_متبس يبني دا انت كنت واقع من طولك دلوقتي وليك نفس تهزر كمان
قاطع الكلام صوت الباب ودخل حسام وإيمان كانت ايمان قالبه وشها
_حمدالله ع السلامه عليك يا حبيبي انتي كويس يا عصام
_انا كويس متقلقش بتحصل علطول
_بتحصل علطول وفرحان انت بقا لما بتحصل علطول يلا جهز نفسك عشان اما تقوم تقوم ع بيتك عند امك انا مقولتلهاش انك كنت ف المستشفى
اول ما حسام قال كدا حسيت ملامح عصام اتغيرت وفضل يتنفس بسرعه شويه وشال عينه من ع حسام وبص قدامو وتكلم
_اروح البيت بس اودي وشي فين من امي واختي يا حسام لا مش هقدر انا هروح الشقه بتاعتي
_انا قولت لأمك يا عصام انك هتيجي ودلوقتي
بص عليه فجأه بعد مكان باصص قدامو ورجع بص عليا تاني نظرته كانت كلها خوف وقلق فضل ساكت متكلمش
_انا مقولتش انك هنا ف المستشفي عشان امك متقلقش عليك انت هتخلص المحلول دا ونمشي
_اول مره اسمع امك متقلقش عليك من سنين يا حسام تصدق طعمها حلو
كان بيقولها ولسه باصص قدامو قالها ومبتسم ابتسامه مقدرتش احدد هيا فرح ولا حزن
_طلاما انتو هتمشو احنا هنمشي بقا انا وإيمان
_لا هوصلكم وارجع لعصام
ايمان طلعت وكانت لسه مدايقه عشان كنا مخبين عليها طلع وراها حسام وبصيت ع عصام بعدها كان باصص عليها وهيتكلم
_هوا انتي ينفع تيجي معايا
_اجي معاك فين البيت بتاعكوا
_ايوه تعالي معانا خاېف مكونش مستعد اقابلها وخاېف ارجع تاني للشرب وسيئ ظنها فيها كفايه السنين اللي فاتت وانا بعيد عنها وخاېف اقابلها خاېف تصدني ومتكونش عيزاني لاني مش كويس
بصيتله وكان مش عارف يجمع الكلام بس اللي اعرفه انو كان عايز اني اروح البيت معاه بس مش هينفع اني اروح معاه حاولت اطمنه بالكلام وخلاص
_هوا انت خاېف من ايه دي امك ياعصام مفيش ام پتكره ابنها وبعدين انا هاجي اعمل ايه انت بس اول مهتشوفها هتنسي كل الناس وكمان انت بطلت شرب صح بقالك اسبوع اهو اه بتتعب بس مش بترجع صح دا بعيد عن انك مش منتظم ع العلاج وهنشوف الموضوع دا بعدين
بص عليا وابتسم
_انتي من يوم مجيتي وانا بدأت اعيش
_نعم
_ا اقصد يعني مش عارف اشكرك ازاي بمساعدتك ليا وكدا
ضحكت عليه واتمنيت فعلا ميرجعش للشرب تاني ويرجع وسط اهلو بس ف نفس الوقت كانت فيه حاجه مدايقاني ممكن عشان هيمشي من الشارع او مش هشوفه كل يوم تاني
_انا همشي بقا متنساش تحكيلي اللي هيحصل كان نفسي ابقي معاك بجد بحب اشوف المواقف دي بس انت هتحكيلي صح
_انا اوصل البيت وميغماش عليا بس وهحكيلك يستي
_ماشي الف سلامه عليك يلا انا همشي بقا
قولتها وانا بفتح الباب عشان امشي بس قاطعني صوته فجأه
_خدي يبت انتي
_ايه فيه ايه
_فين ورد العيان
بصيت عليه بستغراب من كلامه رغم اللي هوا فيه بس دايما لسانه سابقه بهزاره فضلت اضحك عليه وقولت ف نص ضحكي
_ومين العيان بقا
_انا يختي مش انا عيان ولا مش عيان
قالها بضحك وعيونه بتلمع كان مبسوط وانبسط علي فرحته واتمنيت يفضل علطول مبسوط وطلعت برا الاوضه كان حسام بيتكلم مع ايمان اول مطلعت نادي عليا عشان نمشي بس ايمان اعترضت
_لا انا مش عايزه اروح البيت هنروح اي حته مخنوقه
_طيب هوصلكم
مشينا فعلا وطول الطريق ايمان باصه الناحيه التانيه نزلنا قريب من المنطقه بتاعتنا
_استني يا ايمان بس هفهمك
_تفهميني ايه يا ليلي انتي كنتي عارفه وخبيتي عليا طيب ليه مكنتيش عايزه تقوليلي انا يا ليلي انا
_والله يا ايمان مش زي منتي فاكره انا كنت خاېفه.. خاېفه تزعلي وخاېفه تعارضي ع عصام لأنك مش بترتاحيلو
_وانا هعارض ليه يا ليلي انتي بتساعديه ف حاجه زي دي مكنتش هعارض لكن تخبي انو اخو حسام طيب ليه
_انا ذات نفسي مكنتش اعرف والله يا ايمان عرفت بالصدفه ولما عرفت خۏفت تسيبي حسام بسبب كدا وكان هيقولك والله
_هوا فعلا قالي بس قالي بعد ايه بعد معرفت يعني مش محتاجه حد يقولي
_حقك عليا والله انا كنت خاېفه منك لما تعرفي وانتي مش مرتاحه لعصام
_ومش هرتاحله ليه انا كنت فعلا خاېفه عليكي منو بس دا ميمنعش انك كنتي تقوليلي يا ليلي
حضنتها من جمبها
_اخر مره والله من دلوقتي هقولك ع كل حاجه متزعليش مني
