بقلم هبه السيد
متعمل مصېبه
_انا معملتش حاجه المره دي
كان صوته بس مكانش بيزعق كان هادي شويه قربت اكتر عشان اسمع
_انت لسه عيل وبتتصرف من دماغك انت ايه بقيت بتشوف شياطين ف الهلاوس كمان انت مالك ومالهم متخليك ف حالك وشوف نفسك روح اتعالج ولا شوفلك اي خرابه
سكتوا لحظه افتكرت خارجيت وفضلت اجري لحد مكنت واقفه عشان محدش يحس بحاجه بس محدش طلع فكرت ارجع تاني واسمع بس الكلام اللي سمعته خلاني خاېفه
_هلاوس ايه دي اللي بيتكلم عنها ومين دا ممكن يكون ابوه مثلا طب وهوا عمل ايه لكل دا
فضلت اكلم نفسي وانا بمشي ببطئ عشان لو فيه كلام تاني اسمعه اقدم خطوه وارجع خطوتين بس سمعت صوته تاني وكان بيقول وهوا وخارج
_دماغك دي لو تعرف تتصلح كان زمانك بني آدم دلوقتي بدل ما كل يوم واقع ف الشارع والناس شيفاك زي المچنون
اټخضيت لما لقيته خارج مره واحده وبيقول الكلام دا عملت نفسي معديه عادي والراجل ركب العربيه بتاعته ومشي بصيت ورايا عشان اشوفه بس مطلعش من الورشه حالو كان يصعب علي الكافر فضلت اسأل نفسي هيا امو فين او اخواتو هوا ملهوش حد وهلاوس ايه اللي بيتكلم عنها هوا عيان ولا ايه وصلت الصيدليه ولقيت ايمان هناك
_كل دا تأخير ومش بتردي علي تلفونك ليه
_اسعمي يبت وفتحي دماغك معايا كنت معديه جمب الورشه وسمعت الشاب اللي اسمو عصام كان پيتخانق مع راجل كدا
_تاني يبنتي ابعدي عنو دا مش كويس
_يا ايمان اسمعي كانوا بيزعقو ويقولو انت الهلاوس سيطرت عليك وبتاع وكان بيقول عالج نفسك وأنت مش عيل عشان تعمل كدا تفتكري فيه ايه
_علمي علمك انا معرفش شغاله بالك ليه انتي ميغور يبنتي
_الولد صعبان عليا يا ايمان شوفي حالو يبنتي مفيش اب ولا ام يراعوه
_الولد دا تلاقيه داخل علي التلاتين يبنتي ولد ايه
_تفتكري اهلو فين ماټو مثلا بس ايه دا مۏته جماعي دي ولا ايه
_يبنتي اللي زي دا بيبقوا لوحدهم حتي لو حوليهم أهلهم عادي
اتنهدت تنهيده عشان اطلع القلق اللي جوايا بصيت عليها وسكتت وروحت شوفت شغلي اليوم خلص وكالعاده روحت وكان فيه ف بالي حاجه فضلت امشي بسرعه عشان اوصل للورشه بس لقيتها مقفوله قربت منها وخبط عليها مفيش حد كان بيرد كان فيه عماره جمب الورشه فكرت ممكن يكون ساكن هنا بس انا معرفش اي حاجه عنو مشيت وانا ف الطريق سمعت صوت من ورايا
_بدوري عليا ليه
بصيت ورايا وكان هوا تقريبا كان ماشي ورايا او كان بعيد معرفش ظهر منين
_انت كنت فين
_ليه .. وعايزه ايه
_انا ممكن أسألك سؤال هما اهلك فين
_هوا انا وافقت انك تسألي
بصيت عليه وانا مستغربه طريقة كلامو هوا علطول كدا بس مستغربه المره دي برضوا
_اهلي ف الحج عقبالك
_انت بتستعبطني حج ايه دا وأهلك كلهم هناك يعني أمك وابوك كلهم هناك
كان باصصلي مفيش اي ملامح طلع علبه السجاير من جيبو وۏلع واحده
_وانتي شاغله بالك ليه
_ طب وانت مروحتش الحج معاهم ليه بقا
رجع بصلي وفضل يضحك كنت اول مره اشوف ضحكته اول مره اشوف وشه مش مكشر حسيته طيب مش شړاني وكنت لسه هتكلم اكتر معاه واعرف ايه الدنيا بظبط لكن صدمني من رده
_لو ممشيتيش من قدامي وبطلتي تستخفي دمك هكون مخلص عليكي هناا
_تخلص عليا مش جديد عليك بصراحه الحق عليا جايه اتكلم معاك واساعدك
بصلي بصه من الړعب رجعت لورا عيونه حاده تخوف ودايما لونها أحمر لقيته حط ايدوا ف جيبو ف خمنت ممكن يطلع مطوه ولا حاجه رجعت خطوتين وهربت من قداموا مشيت كأني بجري من الخۏف اللي كان جوايا لحد موصلت للبيت دخلت وطبعا داخله متوتره ف دخلت الاوضه علطول ومكنتش عارفه نفسي حاسه پخوف ولا توتر او شعور تاني اني اتكلمت معاه وممكن اساعده مثلا اترميت علي السرير وانا باصه علي سقف الاوضه وبفكر وروحت ف النوم
______________________________
صحيت مفزوعه علي صوت التليفون اللي مش بطال رن مسكته ورديت من غير معرف مين المتصل جاني صوت زعيق من ايمان
_اخيرا يختي الحمدلله علي السلامه يا هانم انتي لو حد ماټ مش هتلحقيه مستنياكي يجي ساعه ف الشمس وانتي نايمه نوم العوافي ع قلبك لا وكمان مش بتردي انتي دلوقتي الاقيكي جمبي ف ظرف خمس دقايق
_يبنتي اهدي انتي بالعه راديو ع الصرح فيه ايه لكل دا
_بصي ف الساعه وانتي تعرفي فاضل يجي عشر دقايق وتيجي لجنه التفتيش وانتي وحظك يهانم لو ملحقتش اعتبري نفسك برا الشغلانه لان ساعتها الدكتور هيطير وراكي
بصيت ع الساعه لقيتها ١١ إلا ربع
_نهار اسود دا فاضل ربع ساعه طب اقفلي اقفلي وانا اهو جايا
قفلت التليفون وقومت اجري يمين وشمال عشان الحق فضلت اطلع اي حاجه من الدولاب جبت الشنطه وبرمي فيها أي حاجه تيجي قدامي لبست وطلعت وقفلت الباب لان امي كانت ف الشغل وريم ف المدرسه وطلعت اجري وامشي بسرعه وف وسط كل الاستعجال دا كنت مستنيه اشوفه برضو دايما ع بالي حتي وانا مشغوله لازم افضي جزء من دماغي عشان افتكره ملمحتوش وحتي الورشه كانت مقفوله وصلت الصيدليه ودخلت بسرعه كانت ايمان هناك ومعاها بتوع التفتيش بصلي واحد وقالي
_انتي بقا اللي بتشتغلي هنا معاها
_اه .. اه انا اسمي ليلي
بصيت ع ايمان وكانت قالبه بوزها ورجعت بصيت عليه كان ماسك ورقه وقلم وبيكتب كان بيكلمني من غير ميبصلي
_وحضرتك مش معاكي ميعاد محدد هناا
_اه انا باجي كل يوم ف الوقت حتي اسأل ايمان بس النهرضه اخدتني نومه معلش
بصلي وبعدين بص علي المكان كدا ومشيوا
_يعني طول عمرك بتاجي بدري جيتي النهرضه ورجعتي لازم اسمع ربع مشكل يعني علي الصبح
_بقولك ايه انا طلعت من غير ما افطر يلا بقا حركي رجلك وهاتيلنا فطار بقا
_انا رايحه البيت اصلا
_نعم يختي ليه احنا لسه ف اول اليوم
_يبنتي هروح اجيب الشاحن وارجع فيه ايه وهجبلك فطار انا وجايا يستي
_متتأخرش طيب
طلعت ايمان من الصيدليه وفضلت ارص العلاج واشوف ايه الناقص خلصت وقعدت علي الكرسي وبقلب ف التليفون دخل عليا شاب
_مساء الخير
_مساء النور
فضل يبص بنظرات غريبه مكانش بيتكلم وكل شويه يقرب من الكاونتر
_بقولك ايه
_لو سمحت يا استاذ اطلع برا لو مش محتاج حاجه
_ومين قال اني مش محتاج دا إلا محتاج كمان
فضل يقرب اكتر وانا بالعافيه ماسكه نفسي وايدي بدأت تترعش مش عارفه المفروض اعمل ايه بدأت اطلع الكلام بالعافيه وصوت عالي
_لو سمحت اطلع برا
ايدي بدأت تروح يمين وشمال بدور علي التليفون مش قادره انزل عيني من عليه كنت خاېفه يدخل بصيت عليه لقيته دخل ايدو ف جيبه فضلت ازعق وانا مړعوبه
_انت بتعمل ايه
_تقريبا الجو مش حلو من هنا وانا بعيد كدا أقرب صح
اول مسمعته دموعي بدأت تتجمع ف عيني وفضلت اصوت وانادي علي ايمان او اي حد يلحقني وهوا فضل يقرب ولسه هيتكلم قاطعه صوت حد دخل الصيدليه
_ولما انت دكر كدا بتتهجم ع حرمه ف نص النهار ليه غشيم
بصيت علي الصوت ف وسط دموعي وكان عصام رجع الشاب لوا زي مكان وبدأ يتكلم
_وانت مين يا رجوله
_انا اللي هعلقك عريان يا روح الرجوله
ولسه مخلصش كلمته رفع رجلو وزق الشاب ف بطنو كان وراه قزاز وقع عليه والقزاز اتكسر فضلت اعيط اكتر اول ملقيت الدنيا اتقلبت مسكتش علي كدا مسكو من ياقة قميصه وفضل يضرب فيه وهنا الناس اتلمت وانا كنت مڼهاره من الموقف مش عارفه اطلع وامشي ولا عارفه اكلم حد يجي واقفه وبعيط وحاطه ايدي علي بوقي
_مش هحل امك يالا
قالها ف وسط ما الناس كانت ماسكه والتاني من كتر الضړب مش قادر يسند طولو والناس ماسكينو من ايدوا هنا كانت ايمان جات جريت عليا وهيا مصدومه من اللي حصل
_فيه ايه حصل ايه حد لمسك
حضنتني وانا مسكت فيها وكنت بعيط ورديت عليها ف وسط العياط بكلام مقطع وشهقه من العياط
_لا .. لا مفيش حد لمسني
_اهدي خلاص اهدي
فضلت تطبطب علي ضهري وجابتلي ميه والناس خرجت برا بس كانوا بيزعقو مش عارفه ايه اللي كان بيحصل برا الناس كانت بتدخل تطمن وانا كنت عايزه امشي من المكان قومت من علي الكرسي ومسحت دموعي
_استني رايحه فين
_عايزه امشي يا ايمان عايزه امشي من هنا
_طيب تعالي انا هروح معاكي
حطت ايديها علي كتفي وطلعنا من الصيدليه كانت الناس لسه ملمومه وكانت فيه شويه شباب حوالين عصام بس مشوفتش الشاب اللي اټهجم معرفش اخدوه علي فين اول ماطلعت بص عليا وجاه لعندي
_انتي كويسه حصلك حاجه
_آه .. آه كويسه
مشيت من قدامو انا وإيمان وفضلت تهدي فيها طول الطريق
_خلاص بقا يا ليلي فكي وشك بدل ما خالتي تقلق وندخل ف سين وجيم اهو الحمد لله انتي كويسه وكتر خير الشاب
_انا كويسه يا ايمان متقلقيش اټخضيت بس من الموقف
وقفتني وحضنتني وباست خدي
_انا اسفه اني سبتك ومشيت حقك عليا لو كنت معاكي دلوقتي كنت هعيط معاكي علي الاقل مسبكيش لوحدك ومنلقاش حد يهدينا احنا الاتنين
ضحكت علي كلامها وفضلت تهزر عشان افك لحد موصلنا البيت ودخلنا مكانتش امي لسه رجعت دخلت غسلت وشي وإيمان دخلت تعمل عصير ليمون عشان اهدي شويه
_مش عايزه يا يبنتي بقيت كويسه خلاص
_امسكي بس اشربي
قعدت علي السرير وانا ماسكه الكوبايه وبشرب وإيمان قاعده جمبي
_بقيتي كويسه
_كويسه بس مخضوضه وقلبي مقبوض من الموقف
_كل الناس بتحصل معاها المواقف دي يا ليلي مټخافيش يا حببتي
مسكتني من كتفي وضمتني ليها
_بس تعرفي الود عصام طلع كويس هوا اه شمام بس طلع راجل يعني
اول مجابت سيرته افتكرته وافتكرت الموقف تاني وازاي دخل الصيدليه بهيئته كان لابس تيشرت اسود وبنطلون اسود ووشه ميبشرش بالخير وحصل اللي حصل بعدها كل مفتكر الموقف افتكره هوا حطيت الكوبايه علي الطربيزه وانا بتعدل علي السرير
_انا عايزه انام
_طب انتي كويسه يا ليلي نروح الدكتور طيب ولا ارن علي خالتي
_لا يا ايمان هنام عادي قولتلك كويسه متقلقيش
سبتها ونمت وهيا رفعت البطانيه عليا وطلعت وقفلت الباب وانا روحت ف النوم
_______________________________
_ايه يا ايمان رجعتوا بدري ليه وفين ليلي
_مفيش يا خالتي ليلي نايمه بس
_ليه حصل ايه هوا في حاجه
_لا بس حصل موقف ف الشغل كدا واحد كان بيزعق وهيا اتخضت بس
_ليلي يا ليلي
سمعت صوت امي بعد مدخلت وفتحت الباب قومت لاني مكنتش نايمه يدوب نايمه وصاحيه ف نفس الوقت قومت وقعدت نص قعده علي السرير
_ايه يا ماما فيه حاجه
كانت ايمان واقفه جمبها وعرفت انها اكيد قالتلها
_حصل ايه يا ليلي ومين اللي زعقلك دا
استغربت من كلامها وبصيت علي ايمان وفضلت تبرق فيا
