حور و رحيم اميره اسامه

ټعيط وهي بتتكلم...انا مليش غيرها هي كل حاجه ليا مكنش ينفع اسيبها ټموت... ماما مكانتش موافقه خالص اني اجي ..لحد ما تعبت قبل ما اجي هنا باربع ايام ودخلت المستشفي والدكتور قال ان حالتها اتدهورت خالص ولازم تدخل العمليا خلال كام يوم...سافرت من وراها وسبتها مع ست جارتنا هي وبنتها دي صاحبت عمري قولتلهم لو فاقت محدش يقولها وسبتها معاهم.. وسافرت...وياريتني ماجيت...
وابتدت تفتكر وتحكيله اللي حصل مع عمها....
فلاش باااااااك...
وصلت حور قصر عمها...
الكل كان موجود ورحب بيها..
عمران... اهلا يابت اخوي اول ما افتكرتي ان ليكي عم تسألي عنيه..
حور... اسفه يا عمي.. بس كنت فكراك مش عايز تعرف
حاجه عننا..
عمران.. ليه بتجولي اكده يابنتي.. مهما كان انتي بنت اخوي وتاجي اي وجت..امك ازيها .
حور. ماهو ده اللي انا جيالك عشانه ياعمي....ماما تعبانه اوي ومحتاجه تعمل عمليه كبيره فالقلب.
عمران.. بخبث لا اله الا الله ليه كده يا بتي سلامتها الف سلامه .
حور... ده اللي حصل ياعمي.. من يوم ما اټوفي بابا وقلبها تعب وحالتها ساءت والوقت محتاجه عمليه كبيره بتتعمل بره زرع قلب...وللاسف المبلغ كبير عشان كده انا جتلك انا مليش غيرك.
عمران... كان علي عيني يابتي بس كل فلوسي في الشغل ..
حور... انا مش جايه طالبه ورثي ياعمي انا جايه طالبه جزء من ورثي عشان انقذ امي ومش عايزه اي فلوس تاني
عمران.. ومين جال ان ليكي
ورث عندي يابت اخوي...الفلوس دي حجي اني انتو اللي مش راضيين تجتنعو بكده..
حور... لا ليا ياعمي ورث ابويا وورث جدي ومع ذلك انا بقولك انا مش جايه اطالبك اصلا بيهم انا عايزه بس جزء بسيط.. عشان انقذ امي..
عمران... پغضب... جولت ملكيش عندي مليم الفلوس دي اني اللي عملتها اني اللي كبرت الفلوس ابوكي عايش في مصر من سنين اتعلم وخد شهاده عاليه وبجي مهندس وعمره ما رجله دبت فالارض دي واصل اني اللي كنت شايل كله علي كتافي ..هو اتعلم وبجي حاجه اني لا اني اللي اتبهدلت فالارض والشغل اني اللي كبرت كل حاجه اني اللي كانت يدي بيد جدك مش ابوكي وجايه الوجت تجوليلي ورث.
حور... بدموع بس ده شرع رينا..
عمران... واني هخالف الشرع ده عشان شايف ان محدش تعب غيري فيه فا مافيش اي حد واصل له الحج ان يورث مليم غيري .
حور. وانا مش عايزه اورث.. انا عايزه جزء بس بسيط عشان العمليه..حتي لو تعتبرهم دين عليا حتي لو عايزين اكتبلك بيهم وصلات امانه انا تحت امرك بس امي تعيش..
لمعت في راس عمران فكره خبيثه...
انا ممكن اديكي الفلوس دي بس علي شرط..
حور. بفرحه وهي بتمسح دموعها. اي شرط انا موافقه عليه..
عمران...بضحكه خبيثه تتجوزي سعيد ابني وكتب الكتاب يبجي الليله..
اختفت فرحه حور..حضرتك بتقول ايه ياعمي..انا مش موافقه طبعا...
سعيد... مش موافجه ليه ان شاء الله..ومن مېتي عندينا بت تجول اه او لا...
حور... انا هقول لا.. ومش هتجوزك لو انطبقت السما عالارض..
عمران... يبجي مفيش فلوس وخلي امك ټموت..
حور.. انقبض قلبها. عمي عشان خاطري انا مش عايزه غير مساعدتك بس اعتبرني زي فرحه..
عمران... اني جولتلك شرطي.. وانتي فكري يا تتجوزي سعيد وتاخدي فلوس العمليه..يا متتجوزيهوش ومافيش فلوس..
حور قامت وقفت.. انا هتصرف ومش عايزه منك اي حاجه وحقي مش هسيبه ياعمي انا من يوم ما ابويا وجدي ماټو وانت قررت اني مليش ورث سبتهولك عشان حقيقي مش محتجاه ولا كان في بالي اني اعاديك عشان شويه فلوس بس يوم ما احتجت وجيت طلبت
منك كان عشان خاطر امي.. متروحش مني مش اكتر..بس وديني ما هسيب حقي وهرفع عليك قضيه وهكسبها وهوقفك قصادي فالمحاكم ادام انت مش راضي تراعي اننا اهل...
سعيد.. توجفي مين فالمحاكم يابت الكلب..
حور... انا ابويا مش كلب انت اللي ابن ستين كلب ..
عمران..فاللحظه دي قام وفضل يجر فيها فالقصر عشان يرميها فالمخزن..
فرحه.. وامها بيجرو عليه..
فرحه... سيبها يا بوي والنبي...
امها.. حسنه.. سيبها يا ابو سعيد البت ھتموت في يدك...
عمران.. زقهم.. اخفو من جدامي لا اجتل اي حد هيجف جصادي... خاڤت فرحه وامها ووقفو مكانهم.. دخل سعيد ورا ابوه عالمخزن.. وصوت فرحه كان مسمع القصر كله..
حور... سيبني ياظالم سيبني حرام عليك مش عايزه منك حاجه خلاص...
رماها عمها فالارض.. عمران ودلوجت اني هوريكي ....وحور صوتها راح من كتر الصوات والعياط والالم اللي حاسه بيه علي جسمها وبعد دقايق...
سعيد... خلاص يابوي انت ربيتها بما فيه الكفايه متجيبش لروحك مصېبه البت ھتموت في يدك...
عمران... سيبها تغور في داهيه بت الكلب اللي جايه ترفع صوتها عليا...
حور.. مش قادره ترفع راسها من التعب...
كفايه حرام عليك...
عمران.. اعملي حسابك هتتجوزي سعيد بكيفك او ڠصب عنك وحتي الفلوس مافيش وملكيش ورث عندي.
حور... مش هتجوزه حتي لو ھټموټني...
عمران.. واني مليش غيرك الوجت كل يوم هفضل اضرب فيكي لحد ماتجولي حجي برجبتي ونجولي موافجه..
يلا ياسعيد... سيبوها زي الكلبه اكده.. محدش يديها بوج المايه ..والباب ده ميتفتحش عليها واصل..
سعيد... امرك يا بوي..
بااااااك..
حور.... بدموع مغرقه وشها..وفضل كل يوم يجي عندي يقولي عقلتي ولما يلاقيني مش موافقه يضرب فيا برجله بكرباج بايده بكل حاجه كانت تيجي ادامه .. لحدامبارح جت فرحه وقالتلي انها هتهربني بليل فالاول فكرتها بتقولي كده وبتضحك عليا ومشيت وبعدها عمي جه وقالي انه بعد بكره كتب كتابي.. وعرفني ان امي ماټت فالاول مكنتش مصدقاه بس بعدها اتصلت بجارتي وعرفت انها فعلا اټوفت فالمستشفي عشان مقدرتش انقذها ماما
كانت لازم تعمل العمليه وتسافر خلال يومين انا غبت عنها اسبوع. جت بعدها بليل فرحه هربتني ونفذت فعلا
اللي قالتلي عليه اني جريت كتير لحد ما دخلت وسط الزرع وشوفت رجاله جوه كان باين عليهم بيعملو حاجه غلط هما فكروني شوفتهم بس انا حقيقي مكنتش مركزه معاهم لما فضلو يجرو ورايه كنت سامعه واحد فيهم بيقولهم اقتلوها بقيت اجري بكل طاقتي لحد ما خبط فيك ولقيتك بتشدني وتكتم نفسي ساعتها قولت خلاص انا مۏت كنت فكراكم معاهم...وبعدها لما اطمنت ولقيتك قولتلي انك هتساعدني وسبتني وسط الزرع وبقيت ټضرب فيهم حسيت اني خلاص استسلمت ومبقتش قادره اني اعافر اكتر
رحيم.. باصصلها وقلبه متقطع عليها وللحظهحس انه من لحظه ما شافها بقي مسؤول عنها بقت تخصه حس انه مش هيسمح لاي حد يأذيها بعد كل اللي شافته ده بعد ما بقت وحيده خلاص ...كملت حور باڼهيار وحالتها كانت صعبه جدا...
حور... يارتني سمعت كلام ماما ومجتش هنا ابدا.. بس انا مكنش عندي حل غير ده.. يارتني سمعت كلامها كنت كنت ودعتها انا اتحرمت من اني اودعها واني اشوفها لاخر مره اتحرمت من اني اغسلها بايدي اتحرمت من اني اوصلها لبيتها الجديد اللي هتفضل في ومش هترجع تاني ابداااا....انا حتي اتحرمت من اني اعيط عليها واتحرمت من اني احزن عليها اتحرمت من اني اقول بعلو صوتي. اااااااااااااااه وفاللحظه دي قام رحيم وطلعت كل حاجه جواها من عياط وصړاخ والم وۏجع واهات جواها كانت محتاجه تخرجها.. فضلت عالحال ده اكتر من عشر دقايق ورحيم وقلبه موجوع عليها لدرجه وللحظه حس انها بنته
حبيبته حد يخصه اوي.. وقرر من جواه انه هيجبلها حقها..
بعد فتره لما حس ان هي هديت شويه وبقت ټعيط في هدوء....وكلمها بلهجتها واتخلي عن اللهجه الصعيديه..... وابتدا يتكلم وسط زهول حور من تحوله المفاجئ ..
رحيم.... انا سبتك تخرجي كل اللي كان جواكي سبتك تحكي وټعيطي وټصرخي وتقولي كل حاجه عشان بس تحسي انك ارتاحتي..بس انا عايز اقولك حاجه.. .مامتك وباباكي راحو للي خلقهم وده عمرهم..مينفعش نعترض. ومفيش حاجه في ايدك تقدميهالم غير انك تدعيلهم وبس . بس انا اوعدك علي كل حاجه حصلتلك اني هرجعلك حقك من عمك وابنه وورثك كله هيجيلك.. لحد عندك.. وعايزك بس تعرفي ان من لحظت ما شوفتك انتي خلاص مش لوحدك..
حور....هو ..هو..
حور.. هو انت بتتكلم زينا..
رحيم.. هو ايه حكايه زينا دي...كل حاجه زينا زينا.. انا بني ادم علي فكره ..
حور... مش قصدي بس انت مش صعيدي ازاي بتتكلم مصري..
رحيم.. برفعه حاجب.. هو الصعيدي مش مصري ولا ايه اسمها بتتكلم بلهجه غير الصعيدي..
حور.. بابتسامه ايوه....اقصد لهجه بس ازاي...
رحيم..انا عشت كل فتره تعليمي فالقاهره يمكن تقريبا اكتر ما عشت هنا ..
حور.. بس انت قولت انك العمده ولا كنت بتحور عليا..
رحيم... 
بحور... لا يا ستي مبحورش.. ده حقيقي بس تقدري تقولي ان جدي اللي كان مصمم انه يتنازلي عن العموديه.. وقد كان بقيت العمده وطبعا مقدرش اسيب القاهره لان شغلي كله هناك ..وبره مصر انا بسافر كتير بره مصر دول عربيه واوروبيه.
حور.. هو انت شغال ايه..
رحيم... انا ياستي تقدري تقولي كده اني من اكبر مصدرين الفاكهه فالشرق الاوسط كله مزارعنا بتصدر لكل الدول تقريبا...يعني قصه طويله كده...المهم ان انا عيشتي وحياتي كلها فالقاهره بس طبعا لازم اجي كل اسبوع يوم او بالكتير كل اسبوعين عشان امي واختي وجدي واهلي هنا..
حور. يعني انت جيت عشان تزورهم ..
رحيم... اه وعشان اكتر فرح اختي.. كان امبارح ولما شوفتك كان فرح اختي امبارح وجيت هنا بعد الفرح عالبيت هنا لانه
مكانه المفضل اللي بريح بالي فيه مكنتش عارف ان في حاجه اكبر مستنياني وهو اني انقذك...
حور.. اسفه عطلتك وضيعت عليك فرحتك بفرح اختك..وضيعت عليك راح بالك بانك تختلي بنفسك فالبيت هنا..
رحيم.. متتأسفيش ياحور القدر.. لما بيجي للبني ادم محدش يقدر يوقفه...
ابتسمت حور ...انا حقيقي مش عارفه اشكرك ازاي.. بس انا لازم امشي خلاص.. وهو النور طالع كده بس هستأذنك في حاجه انا انا.. وكملت بحرج.. انا لما جيت عند عمي سبت شنطتي هناك.. ولما سبني فالمخزن مكانتش معايا ..انا بس محتاجه منك تجبلي اي حاجه البسها لان مش عمدي لبس.. وعايزه منك يعني فلوس بس تنزلني القاهره واول ما اوصل هناك وانت تيجي القاهره هاقبلك اديهملك ولله...
رحيم.. بتمثيل بجد يعني مش هتنصبي عليا..
حور.. مسرعه ..لا ولله ابدا هقابلك واجي اديهملك .
رحيم.. بضحك.. ورجع تاني للهجته.. ولله من اول ما شوفتك وجولت
عيله صغيره..اني بضحك وياكي اولا مفيش مشي من هنه غيؤ لما تبجي بخير.. انتي رجليكي كلها مفتحه وكلاتها چروح مينفعش تدوسي عليها اصلا.. هيسبوكي بالسهل اوعاكي تفكري انهم استسلمو انهم ملاجوكيشي. وروحو دول ماهيمشوش بالسهل. غير لما يلاجوكي ..ولو لاجوكي صدجيني مش هيسبوكي غير وانتي مجتوله.. ثالثا وده الاهم.. فلوس ايه عاد اللي بتتحدتي عليها عبيطه انتي اياك.. اسمعي كل اللي هتحتاجيه هتلاجيه عنديكي وكمان ساعه او اتنين بالكتييير هتلاجي لبس واصلك من القاهره مخصوص وصيتلك