اسكريبت الرافعي بقلم أية حمام 5

مع الإصرار وافق تاني يوم جهزت ونزلت وأنا بحاول أستعد لكل شيء هقابله أو أسمعه. 
وبالفعل كمية أسئلة اتوجهت لي عن الفترة ال فاتت كنت بجاوب عليها وأنا بتمنى كل سؤال يكون هو آخر سؤال.
_دا جدولك لو احتاجتي حاجة أنا معاك. 
_شكرا ليك بعد إذنك.
خرجت وروحت على الفصل ال عندي حصة فيه ف لقيته خارج منه واتكلم باستغراب
_بتعملي إيه هنا 
_أنا رجعت أشتغل تاني. 
_أها الله يوفقك.. لو احتاجتي حاجة أنا موجود.
هزيت راسي واتحركت دخلت الفصل وبدأت شغلي وأنا بفصل حياتي ال برا عن هنا.
_واقفة لوحدك ليه
كان يوم خطوبة آدم الكل مبسوط وسعيد.. وأنا كمان سعيدة وفرحانة إنه لقى الإنسانة ال تستاهل جمال وجوده بس في نفس الوقت مش قادرة أتأقلم وأعيش في وسط كل النظرات ال بتتوجه لي دي لذلك اختارت مكان بعيد خالي من الناس ووقفت فيه وأنا ببص للسما وبسمح لدموعي تنزل لحد ما هو جه من ورايا وسألني كدا لفيت له وسألته بنفس الدموع
_هو أنا هفضل دايما وحشة في عيون الجميع يعني كنت قليلة الأدب وبلبس لبس مش كويس ومش عاجباهم ودلوقتي رجعت لبست الحجاب السليم وبقيت مركزة في حياتي وبرضه مش عاجباهم! 
أعمل إيه علشان يرحموني شوية ويبطلوا نظراتهم وهمسهم دا يا غيث أنا تعبت والله.
قولت آخر جملة وبدأت أعيط بۏجع لحد ما هو مد إيده ليا بمنديل واتكلم بحنية
_إمسحي دموعك ومتعيطيش أنت جميلة ومحدش ينكر دا بس دي طبيعة البشر يا آية! 
أنت بس ال نسيتي إن رضا الناس مستحيل بس رضا رب الناس هو المطلوب! 
_شكرا يا غيث..
شكرته واتحركت خطوة لكنه وقفني بطلبه
_آية تتجوزيني
فضلت واقفة لدقايق وأنا مش مستوعبة ال قاله حسيت إني بتخيل ف خرجت من المكان وروحت.
_غيث بيجدد طلبه. 
_يعني إيه 
_يعني عايز يتجوزك. 
_شفقة يعني صح
بعد آخر حوار بيننا بيومين لقيت آدم بيقول لي كدا.
_أنت ليه محسساني إنك معيوبة 
_مش معيوبة بس أنا فقدت الثقة في نفسي فقدت حتى حبي لذاتي بقيت مش فاهمة أي حاجة يا آدم! 
_علشان أنت عايزة كدا الحباة طبيعي تلطش فينا وتجيبنا يوم فوق وعشرة تحت هل نستسلم لها بقا ونسيبها تبهدلنا كدا ولا نقوم ونقوي نفسنا ونتقبل الۏجع ونتعلم من التجارب السابقة وندخل في علاقات جديدة وإحنا أكثر نضج ووعي 
آية أنت لو محبتيش نفسك سواء بكل عيوبها وكلاكيعها أو مميزاتها متستنيش حد يحبها! 
وآخر كلامي ليك متظلميش نفسك وتظلمي إنسان بيحبك وعايز يعوضك ويداوي جروحك صحيح القرار بيتنطق في لحظة بس الندم بيعيش سنين..!
قال كلامه وسابني ودخل أوضته وأنا قاعدة بفكر في كل كلمة قالها ليا دلوقتي.
_بارك الله لهما وبارك عليهما وجمع بينهما في خير!
وافقت وافقت علشان أنا أستاهل أتحب وأحب من تاني وأرجع أعيش العمر صح مع إنسان يستاهل كل الخير ويستاهل أديله عيوني!
_نورتي حياتي يا حياتي! 
_مش هتندم 
_هندم لو زعلتك في يوم أو ۏجعتك في مرة. 
_وأنا كنت هندم برضه لو مكنتش وافقت أوهبك عمري علشان أنا عرفت إنك الوحيد ال تستاهل أفديه بعمري يا غيث وهبقا راضية والله. 
_ربنا يرزقنا الرضا يا آية ويجعلنا خير الزوجين لبعض ويجمعنا في الجنة بعد الدنيا.
أمنت على دعائه وقربت حضنته بهدوء وأنا بحس إحساس السکينة ال دي أول مرة أحس بيها لذلك حقيقي أتمنى أقدر أفرحه وأكون له الونس زي ما هو ليا أمان!
وأكون بالحب قد وجدتك والمعنى أني وجدتني!
الرافعي.
آية_حمام.