اسكريبت الرافعي بقلم أية حمام 5

وفصلت أبص في المراية على ملامحي أنا مكنتش كدا.. أنا أحلى وأنقى! إزاي في سنة واحدة بقيت كدا
_مش هفتح معاك سيرة أي حاجة حصلت علشان خلاص ال حصل حصل ومش بإيدنا نغيره بس هقول لك كلمتين من تاني متفكريش في حد غير في نفسك وربك محدش يستاهل تخيلي تخسري الدنيا والآخرة يعني تعاسة من كل الجهات!
بسمع له وبفكر في كلامه وافتكرت بداية ارتباطي لما اتطلب مني خطوة خطوة أخلع الحجاب وشوية شوية أبقا إنسانة مختلفة لازم تسعى تكسب الرجل بتاعها وترضيه على حساب ربنا وكان دايما تعليق بابا وماما دا جوزك يعني براحته عاوز يلبسك النقاب تلبسيه عاوز يخلعك الحجاب تخلعيه! وبرغم رفض آدم وإنه خاصمني بسبب كدا إلا إني استسلمت لهم ووافقت أبيع ديني! وأهو أنا دفعت التمن أهو!
_روحتي فين 
_معاك.
_أنا عارف إنك أكيد إتوجعتي الفترة ال فاتت بس اقفلي صفحة الماضي وافتحي صفحة جديدة وأنا معاك وهسندك. 
_أنا مش عايزة حاجة غير إنك تصالحني ومتسيبنيش لوحدي تاني أنا هرجع زي الأول وهحاول ربنا يغفر لي بس أنت خليك موجود. 
_وأنا مش هسيبك يا آية. 
_بابا وماما عرفوا 
_هعرفهم.. متشغليش بالك بحاجة دلوقتي غير نفسك.
بصيت له بامتنان وحضنته وأنا بشكره أوقات بنكون محتاجين نحس إننا مش لوحدنا إننا لسة عندنا فرصة جديدة بعد ما وقعنا نحاول فيها نقوم من تاني ونصلح كل ال فات.
_أنا بفكر أخطب الأسبوع الجاي! 
_بجد! 
_أيوا واحدة أخت واحد صاحبي شوفتها كام مرة وصليت إستخارة وحاسس إني عايزها. 
_طب كلمته 
_أيوا قال هيكلمها ولو وافقت هيبلغني باليل نروح نتقدم رسمي. 
_مبارك يا حبيبي الله يتمم لك بخير. 
_الله يبارك فيك هنروح بكرة البيت بقا نعرفهم. 
_بس.. 
_مبسش هتيجي معايا مش هتفضلي طول عمرك خاېفة تواجهي.
كانت فات شهر ونص على طلاقي ماما وبابا غضبوا جدا بعد ما عرفوا قراري وإختارت أفضل عايشة مع آدم ومش بروح هناك خالص.
_أخيرا قررت تفرح قلبي يا آدم.. ربنا يسعدك ويكمل لك على خير يا ابني. 
_آمين يا ماما. 
هنروح آخر الأسبوع يا بابا إن شاء الله. 
_إن شاء الله. 
_وأنت يا آية مبسوطة بحالك دا 
_الحمدلله يا ماما مبسوطة جدا. 
_والله فيه واحدة مبسوطة بوضعك دا فيه واحدة ترفض النعمة ال كانت بين إيدها 
_قصدك إبتلاء! 
_إبتلاء لما يكون واحد كان جايب لك بدل الشقة اتنين وعربية وملبسك أغلى لبس ومهنيك يبقى إبتلاء 
_أيوا علشان اللبس والغنا مع عدم وجود دين ولا له لازمة الحاجات دي كلها تغور لو مع واحد حقېر زيه كان بيضربني ويخونني ومقدرش كل حاجة عملتها له وآخر مرة خبطني فتح لي دماغي.
نهيت كلامي ف قومت وقولت لآدم هستناه تحت ونزلت وأنا بتحكم في دموعي فضلت واقفة جنب العربية شوية بتنفس وأنا مغمضة عيني لحد ما فتحتها ولقيته قدامي.
_عاملة إيه 
_الحمدلله.. وأنت 
_الحمدلله برضه.
مفيش كلام مش عارفة ليه قدامه بحس إني فاقدة النطق وهو كمان.. هو برضه عيونه بتقول حاجات كتير وهو مش بيقدر ينطقها!
_أنا هرجع المدرسة تاني كلمت المديرة وقالت إنها موافقة. 
_ليه هو أنت محتاجة الشغل 
_أيوا علشان أنت شهور وإن شاء الله هيبقى ملزوم منك بيت ومش هينفع تصرف عليا أنا كمان ف لازم أشتغل وأشوف حالي. 
_إيه الكلام ال بتقوليه دا وحتى لو.. أنت ناسية إن أبوك موجود 
_أنا وأنت عارفين إني لو عيشت معاهم يوم ماما مش هترحمني من كلامها. 
_يعني إيه 
_يعني أجر لي الشقة ال فوقك ووقت ما مراتك هتيجي هنا أنا هعيش فوق منها أبقا قصادك طول الوقت ومنها أبقا عايشة مرتاحة برضه.
في البداية كان مش موافق لكن