اسكريبت الرافعي بقلم أية حمام 5

_أنا إتغيرت علشانك! قلبت حياتي كلها لأجلك! سيبت الدنيا وال فيها واختارتك أنت!
كنت بتكلم باڼهيار.. تعبت من كتر ما بكتم وهو مفكر إني كويسة وراضية.
_أنت مش صغيرة علشان أجبرك تعملي شيء رافضاه! 
_هو دا ردك هو دا ال قدرت عليه مش شايف إني تعبانة مش شايف إهمالك ليا مش شايف إنك بقيت أناني 
_أنا شايف إني قرفت منك ومن حياتي معاك.
بصيت له پصدمة من كلامه الأخير وبحاول أتأكد هل قال كدا فعلا ولا أنا بتخيل!
_أنت.. أنت ال بتقول كدا أنت نسيت نسيت إنك زمان كنت بتبوس رجلي علشان أقبلك نسيت إني كنت موافقة عليك بالضغط 
_كانت غلطة وأكبر غلطة.
مقدرتش أستحمل كلامه دا ف زقيته جامد ناحية الباب وخليته يخرج وقفلت الباب وقعدت على الأرض أعيط بكل ۏجع على ال حاسة بيه.
_أنا مبقيتش عايزة أعيش معاه أنا عايزة أتطلق. 
_إخرسي إوعي تنطقي الكلمة دي تاني. 
_لاء هنطقها وهتطلق منه برضاكم وإلا هرفع قضية. 
_أنت قليلة الأدب علشان بتعلي صوتك عليا وطلاق مش هيحصل يا آية وقومي يلا روحي بيتك قبل ما أبوك ييجي ويسمع كلامك الأهبل دا. 
_أنا هكلم آدم وهقول له. 
_وربي لو ملمتيش نفسك ومشيتي أمورك بينك وبين جوزك لا هتبقي بنتي ولا أعرفك يا آية وحسك عينك تقولي لأخوك حاجة.
بصيت لها شوية وأنا بحاول أتحكم في دموعي قبل ما آخد شنطتي وأنزل من البيت ركبت العربية وقعدت ألف بيها شوية وفكرت أروح الشقة التانية أعيش فيها بعيد عنه.. 
وصلت وفتحت الباب ودخلت بس كنت حاسة بصوت هادي جاي من الأوضة! في البداية خۏفت شوية بعدين حاولت أتحرك أدخل الأوضة أشوف الصوت دا وياريتني ما دخلت!
_أن...أنت بتعمل إيه! 
_أنت إيه ال جابك هنا
كنت مش مصدقة عيني بتنفس جامد وضربات قلبي بتزيد جدا وأنا بقنع نفسي إن ال شوفته دا مش حقيقي دقيقة ومعرفش جبت القوة دي منين وهو بيحاول يشد فيا لكن مكنتش حاسة بأي شيء غير إني عاوزة أعمل أي حاجة تخليني أنتقم منه ف لفيت له وبقيت أضربه وأنا بتكلم بعياط وصوت عالي
_بتخوني پتخوني يا حقېر أنت مش رجل أنت أحقر إنسان عرفته منك لله منك لله..
كنت بتكلم باڼهيار وهو بيحاول يسكتني علشان الجيران مش يسمعوا حاجة ف خبطني جامد ومحسيتش بنفسي بعد ما دماغي إتخبطت في الكرسي.
_دماغي..!
فوقت بعد شوية وكنت في مستشفى بصيت جنبي ملقتش حد ف استنيت لحد ما جت الممرضة ف اتكلمت بلهفة
_بالله عليك لو جوزي هو ال برا بلاش تعرفيه إني فوقت وخليني أرن على أخويا. 
_طب إهدي طيب بعدين كدا ممكن تحصل مشكلة. 
_متخافيش والله مش هيصيبك أي شيء.
بصت لي شوية بعدين إدتني موبايلها ف كلمته ولحسن الحظ كان في المستشفى برضه ف دقايق وسمعت صوته برا ف حاولت أقوم وأتحرك تجاه الباب لحد ما خرجت له.
_مالك إيه عمل فيك كدا
وقفت جنبه ومسكت فيه واتكلمت وأنا بتجاهل نظرات التاني ال كانت بيمنعني أحكي له أي حاجة
_خدني معاك يا آدم خدني وخليه يطلقني. 
_عمل لك إيه 
معملتش يا آدم أنت عارف أختك وأڤورتها للأمور يلا نمشي ونتكلم في البيت.
اختارت نخرج لحد برا علشان متحصلش مشكلة جوا لكن أول ما بقينا في الشارع إتكلمت
_روحني شقتك يا آدم وخليه يغور في داهية. 
_طب ممكن أفهم حصل إيه. 
_إتخانقنا وأنا عايزة أتطلق. 
_ومين ال عور دماغك كدا. 
_وقت الخناقة وقعت. 
إمشي على البيت يا آية وعدي ليلتك. 
_إيه يا عم أنت هتزعق لها قدامي ولا إيه 
مراتي وحر وأنا بكلمها. 
_أنا مش مراتك ومش هكمل مع واحد دنيء