جوزي بقاله فتره

كتير منكم توقع. هو قالي إنه اتكلم مع محامي وعايز يطلقني. قال إنه مش قادر يتخطى اللي قلته وإن أول ما شافني اضايق وكان عايز يهرب بعيد.. قال إنه عمره ما هينسى الكلام الچارح اللي قولته وخلاص مش هينفع نكمل.
أنا عارفة إني استاهل ده بس قلبي مكسور جدا.
امبارح بالليل جوزي قابل بنتنا وحكالها كل حاجة وهي كمان مش عايزاني وأكدت إنها هتعيش مع أبوها بعد ما الموضوع يخلص. وقالت إن صاحبتها بقالها سنين بتقول إنها معجبة بجوزي لكن بنتي كانت فاكرة إنه مجرد هزار سخيف ومستحيل تعمل حاجة بجد.
علي فكرة هما لسه أصحاب بس بنتي قالتلها إنها هتقطع علاقتها بيها لو عملت أي حاجة تانية.
جوزي كمان اتكلم مع أهل البنت وللأسف ولا فارق معاهم حاجة. قالوا إن عندها 18 سنة وحره تعمل اللي هي عايزاه وإنهم آسفين إنها حاولت تبقى مع راجل متجوز بس مايقدروش يمنعوها لإنها رايحة الجامعة في سبتمبر ومش عايزين يعملوا معاها مشاكل قبل ما تسافر علشان ماتقطعش علاقتها بيهم.
جوزي قال إنه حس براحة أكتر بعد ما اتكلم مع أهلها ومع بنتنا وإنه دلوقتي بيعرف ينام.
يعني الخلاصة الكل عرف. وأنا بقت الشريرة وجوزي رافض يسامحني..... آفا خرجت من الموضوع من غير أي عقاپ.
تحديث
بالليل بنتي جت وقالتلي إنها محتاجة تتكلم معايا في حاجة مهمة.
قالتلي إن صاحبتها إيمي كلمتها وقالتلها إن من كام أسبوع نفس يوم تصليح العربية كانوا البنات خارجين بالليل وقاعدين في مطعم وآفا مشيت بدري وقالت إن عندها مشوار.
بعدها بخمس دقايق إيمي خرجت من المطعم وبالصدفة شافت آفا وهي راكبة مع جوزي في العربية!!
وقتها آفا بصتلها واستحلفتها إنها ما تقولش لحد... لكن لما إيمي عرفت اللي حصل بينا قررت تقول لبنتي الحقيقة.
بنتي بعتت رسالة لآفا وآفا جت وقابلتها واعترفت بسرعة بكل حاجة.
قالت إنها فعلا حاولت تلفت انتباه جوزي الأول لما كان بيصلح عربيتها وإنه اتحرج شوية بس مارفضهاش..بالعكس كان مبسوط جدا!
وبعدين قالت إن في نفس الليلة لما كانت مع البنات جوزي اتصل بيها وقالها إنه هيعدي عليها.
وقالت لما اتقابلوا هي فكرت وقالتله إنها هتبعتله على واتساب رسايل كتير وهو بلاش يرد عليها خالص بحيث لو الموضوع انكشف يبان انه بريء وماعملش حاجة غلط لأنه هيتضر أكتر منها لو الموضوع اتعرف. لكن الحقيقة إنهم كانوا بيتكلموا على تليجرام.
الكلام ده بالنسبة لي مش مفهوم قوي بس ماشي.
بعدها بنتي كانت عايزة تتأكد من الكلام ده وراحت لأبوها ومسكت موبايله وفتشته وطلع فعلا بيتكلموا علي التليجرام!
بعد ما بنتي خلصت كلام. أنا دورت في سجلات الكاميرا بس اليوم ده بقاله فتره وغالبا اتحذف وماوصلتش لحاجة.
بعدها بنتي طلبت من آفا تيجي وتكلمني وهي وافقت. جت حوالي الساعة 9 وبمجرد ما دخلت