جوزي بقاله فتره

أنا ست عندي ٤٠ سنة وجوزي عنده ٤٢ سنة. وبنتنا عندها ١٨ سنة.
جوزي بقاله فترة ساكت زيادة عن اللزوم ومش بينام كويس. سألته كذا مرة مالك في حاجة مزعلاك قالي لاء مفيش حاجة وكله تمام بس أنا كنت حاسة إن في حاجة مضايقاه.
يوم السبت قالي إنه لازم يتكلم معايا وفجأة عيط. عملتله كباية شاي وقعدت معاه.
صدمني مرة واحدة كده وقال إن آفا صحبة بنتنا اللي عمرها ١٨ سنة بتعاكسه وبتحاول تقربله وهو مش عارف يعمل إيه!
قال الموضوع بدأ لما عمل لها تورتة لعيد ميلادها ال. وقتها بعتتله رسالة بتقوله إنها اخدت رقمه من بنتنا وشكرته على التورتة. وبعدها بعتتله صور كتير ليها بالفستان اللي كانت لابساه في الحفلة. هو رد عليها إنه شكلها كانت حفلة حلوة وخلاص. بعدين بعتتله تسأله إذا يقدر يبص على عربيتها عشان بتطلع صوت غريب.
هي جت عندنا في البيت وهو بص على العربية وقال إن المشكلة من الفرامل.
علي فكرة هو قالي الكلام ده وقتها يعني ماكانش مخبي عليا حاجة.... اليوم ده أنا ماكنتش في البيت بس بنتنا كانت موجودة.
المهم. هي دخلت البيت شوية وهو كان شغال على العربية برا. ولما خلص خرجت لوحدها وقالت إن مش معاها فلوس دلوقتي علشان تحاسبه علي تصليح العربية وجوزي قالها عادي مفيش مشكلة أدفعي بعدين أو اديهم لبنتنا.
بعدها قالتله تلميح مش كويس وعلى كلامه
حاولت تقرب منه وهو رفض وقالها لازم تمشي ودخل البيت وقفلت الباب.
أنا قريت كل الرسايل وهو ما ردش على أي رسالة ليها بعد اللي حصل.
في نفس اليوم بعتتله شكرا إنك صلحت عربيتي. إنت بتكون لطيف لما بتتكسف. بعدها بعتت ١٠٠ رسالة تسأل لو هو لوحده وتطلب منه يوصلها وتسأله لو شايفها حلوة وبتعاكسه بطريقة جريئة ومستفزة.
جوزي قال إنه مكنش عارف يرد عليا ولا يكلم أهلها ولا يحكيلي كل حاجة
خلص كلامه وبصراحة رد فعلي كان عڼيف جدا. قلتله إنه مش مظبوط وأكيد هو اللي شجعها ودفعلها مبلغ كبير علشان تعبره لأنه أكبر منها بكتير وكمان مش حلو قبيح وهي هتبصله علي ايه! وقلتله إنه مقرف ولازم يمشي ويسيب البيت بصراحة قلت كلام بشع كتير.
بعدها خرجت من البيت ولما رجعت بعد ساعة كان جوزي مشي وساب البيت.
بعد يومين هديت وركزت ولقيت إنه ماعملش حاجة غلط وإن رد فعلي كان صعب وأوفر. حاولت أكلمه وبعت رسايل وهو مش بيرد عليا خالص.
مش عارفة ليه اتصرفت كده وأعتذرله إزاي ونعمل إيه في الرسايل دي نكلمها ولا نكلم أهلها محتاجة نصيحة ضروري.
تحديث
دلوقتي الساعة 5 الفجر هنا في بريطانيا وأنا رايحة لجوزي. هو قاعد في بيت أخوه عايزة اتكلم معاه قبل الشغل الساعة 6.
اشتريت ورد وشوكولاتة وهحاول اصالحه. هقولكوا اللي هيحصل.
تحديث
زي ما