اذا هذا هو الحب الفصل الثالث

عليا
وعند اماني كانت قاعده على السرير پتبكي وحاطه ايدها على بطنها
ايهاب قرب منها وقال بقلق ....في ايه مالك يا اماني
اماني قالت بدموع بطني بطني ۏجعاني قوي يا ايهاب اااه
ايهاب قعد جنبها بسرعه وحط ايده على بطنها وقال بلهفه ...ليه حاسه بايه فين بالظبط بيوجعك
اماني ثبتت ايده على بطنها وقالت....هنا هو
ايهاب لسه هيتكلم رفعت ايده وحطتها على قلبها وقالت بدلال.... وهنا كمان
ايهاب بص لها بدهشه وهي بصت لعيونه جامد وقالت... تسمع عن الحب من اول عشوه
ايهاب ضحك بخفه وقال ....لا ده جديد عليا كانوا بيقولوا في حب من اول نظره
اماني قالت بدلال اكبر....تؤ... اول عشوه ...فاكره لما كنت في المطعم بعيط وقعدت معايا واتعشينا سوا ودفعتلي حساب المطعم عشان مش معايا فلوس
ايهاب ابتسم وقال ... دي حاجه تتنسي هو الواحد كل يوم هيقابل واحده مجنونه يكون معاها مشكله تروح تطلب اكل مش معاها تمنه ويبقو مشكلتين
اماني ضحكت وقالت.... اهو انا وقتها حسيت احساس حلو قويييي
ايهاب قربها ليه اكتر وبص لعيونها وقال ...حسيتي بايه
اماني قربت منه جامد وقالت... حسيت بمغص شكلك ما كنتش مسامح في ثمن العشوه
ايهاب اتقلبت ملامحه لدهشه وهيه ضحكت جامد عليه وقالت 
...عارف عيبك الوحيد ايه انك بتصدق اي حاجه تتقالك
ايهاب قال بغيظ....انا الحق عليا اللي قلقت عليكي وجيت اساسا
اماني ابتسمت وقالت.... بس انا مش بتكلم عن قلقك عليا انا اقصد انك بجد غلبان وبتصدق اي حاجه يعني مثلا جريت ورا مراتك وصدقت انها مچروحه مع ان لو اي ست مكانها وفي الوضع اللي هي فيه ده اول حاجه هتعملها انها تمشي ومتقعدش دقيقه واحده مش تفضل مستنياك تصالحها
ايهاب قال بضيق....انتي اصلا متعرفيهاش شاهيناز دي حساسه و طيبه جدا جدا
اماني اتنهدت وقالت.....والله ما حد طيب واهبل غيرك... شغل دماغك دي بدل ما انت نايم في ميه البطيخ كده ...لو كانت بتحبك كا....
ولسه هتكمل جاله تليفون وطلع في البلكونه وقال....ايوه يا ماما.... انا كنت لسه هكلمك بخصوص الموضوع ده لان عارف ان جواسيسك هنا في البيت هيقولوا لك 
بقلم...زهرة الربيع
وسمعها شويه وقال....ما فيش حربايه تانيه ولا اي حاجه الحكايه ان دي بنت غلبانه جدا ويتيمه واهل والدها من الصعيد كانوا عايزين ياخدوها على هناك علشان متفضلش لوحدها وهيه كانت حابه تكمل تعليمها وتفضل هنا في بيت ابوها فقالت لهم انها متجوزه ...وانا لقيتها بټعيط في مطعم وحكتلي اللي حصل وطلبت مني اتجوزها ليوم واحد لحد ما يجوا يتاكدوا ويمشوا بس فضلنا يوم في الاوتيل ومشينا
ايهاب سمعها شويه وحمحم بحرج وقال.... يا ماما ده نصيب هي طلعت حامل اعمل ايه يعني...احنا بيتنا ليله واحده في الاوتيل كانت نفسيتي وحشه قوي كنت منفصل عن شاهيناز وقتها وهنتطلق ما كانش عندي امل ترجع لي... اللي 
حصل حصل بقى
وسمعها شويه وضحك وبص لاماني اللي كانت قاعده على السرير بملل وقال ....اه حلوه ....حلوه ومجنونه 
طيب يا ماما هكلمك بعدين
ودخل بص لها وقال ....حماتك حابه تشوفك بتسأل عنك
اماني قالت ..بجد والله ده انا اشرف طبعا
ايهاب ابتسم وقرب منها وقال.... طب ايه بقى هتسيبيني اروح اقعد مع ضرتك شويه ولا هتتشاقي وتجيبيني تاني على ملى وشي لو مش هتعقلي قولي علشان قطعت الخلف انهارده
اماني قربت منه قوي وبقت في حضنه وقالت.... لا فطرني الاول مش هتفطرني عشان النونو ياكل ولا هتسيبه جعان
ايهاب ابتسم وشدها لي بقوه وبص لعيونها وقال... لو هتردي على سؤالي هفطرك
اماني ابتسمت وقالت... اتفضل
ايهاب قرب منها قوي وقال... جيتي هنا ليه... اوعي تقولي لي علشان الطفل اللي في بطنك و مش هعرف اقعد لوحدي والكلام ده مش مصدق اي حاجه منه
اماني نزلت عيونها بعيد عنه وقالت.... جيت عشان حبيتك ووو
يللاااا تفاعل عاااالي علشان نشوف المجونه دي ابدأوووو