اذا هذا هو الحب الفصل الثالث

هم الاثنين بخضه على صوت زعيق وصرخه جامده
بصو قدامهم لقوا شاهيناز واقفه بتبص لهم پغضب وقالت بزعيق...و كمان نايم في حضنها انت يومك مش معدي النهارده
اتنهدو بارتياح وايهاب قال ...حد يعمل كده يا شاهيناز خضتيني حرام عليكي
اماني وقفت پغضب وقالت ....سيبك من الخضه اصلا هي ازاي تدخل علينا الاوضه كده
ايهاب قال...صحيح كنتي خبطي الاول لو مصحناش تدخلي تصحينا بهدوء ده انا قطعت الخلف
اماني بصتلو بغيظ وقالت.... اسكت انت
شاهيناز قالت پغضب شديد...وانتي بقى شايفه نفسك مين علشان اخبط واستاذنك
اماني قالت بوقاحه ....شايفه نفسي واحده نايمه مع جوزها ده احنا لابسين الهدوم قبل الفجر على طول يعني لو كنا نسينا كنتي تدخلي كده تلاقينا متقشرين
شاهيناز شهقت بزهول وطلعت جري على اوضتها 
ايهاب وقف بدهشه وقال بسرعه.... لا لا لا استني شاهيناز والله ما اتقشرنا انا لسه بقشرتي اهوه ....و لسه هيجري وراها اماني مسكت ايده وقالت پغضب..... تعالي انت رايحه وراها ليه..ولعدين حد يتجوز واحده اسمها بوتاجاز هيه ناقصه حرايق
ايهاب قال پغضب شديد.... بوتاجاز يولع فيك يا بعيده اشوفك يوم ...استني عليها دقايق بس وهرجع اقشرك مظبوط
وجري وراها بسرعه
زماني قعدت على السرير وضحكت وقالت.... لا ولسه 
ايهاب راح ورا شاهيناز وقال ...شاهي حبيبتي برده تصدقي واحده زي دي قاصده توقع بينا
شاهيناز قالت پغضب وزعيق ...انا شوفتك نايم في حضنها
ايهاب قال بسرعه لا ابدا دي هيه اللي كانت في حضڼي وبعدين انت اللي مشيتيني من هنا اروح فين يعني....والله دي كانت غلطه وانا ما خنتكيش انا اتجوزتها
شاهيناز قالت پغضب....لما تتجوز من ورايا تبقى برضو پتخوني
ايهاب قال بسرعه...ماشي معاكي حق تزعلي بس انا والله اتجوزتها علشان اساعدها كان معاها حوار كده وكنت بساعدها فيه والله انت عارفه ان انا بحبك قوي.....ده انا حتى كنت عاملك مفاجأه فاكره الشاليه اللي انتي كان نفسك فيه وقلت لك مش وقته كنت بخلص لك الورق بتاعه
شاهيناز التفتتلو و لمعت عيونها وقالت ب...جد ولا بتحايلني
ايهاب قال....انا امتى كذبت عليكي كلها ايام ويبقى باسمك
شاهيناز قالت بسرعه.... يومين اتنين لو ما بقاش باسمي واثبت لي فعلا انك عايزني مش هقعد هنا ابدا
ايهاب ابتسم بتوتر وقال.... اكيد هخلصه ... هي صحيح الشركه حاليا مش احسن حاجه يعني للمبلغ ده هيأثر عليها .بس مش مشكله ما يغلاش على عيونك المهم متبعديش عني تاني 
شاهيناز ابتسمت و قربت منه وقالت.... انت كده فعلا بتثبت اني غاليه عندك وان البنت دي مجرد غلطه وهتطلع من حياتنا مش كده
ايهاب ابتسم وقال... اكيد غلطه وهصلحها و...بس قطع كلامه لما سمع صوت صړاخ شديد من اماني اتنهد وقال ....وبعدين في اليوم ده ...ثانيه واحده بس يا روحي
قال كده و راح يشوف اماني وهي قفلت الباب وابتسمت بخبث و قالت... برافو