قصه كامله انسة شين شهيرة عبدالحميد
حاول اكتر من مرة يدخل يقعد معاهم،
وفي كل مرة كانوا بيطردوه ويقفلوا الباب في وشه.
وفي يوم رجع مصيلحي البيت ومعاه ست غريبة!!
كان واضح أنها مريضة،
ومن حكاوي الاب والام فهم يوسف أن الست دي قريبة ابوه تبقى "مرات ابن عمه"، وأنها ملهاش حد غيرهم.
الست قريبة مصيلحي دي كان اسمها "صابرين"،
يوسف ما صدق وقتها أن فرد جديد يجي ويعيش معاهم في البيت،
وحاول يتقرب منها،
وشاف منها حنية العالم كله
هي الوحيدة الـ بقت تلعب معاه
وتنام في اوضته،
وبطل يحس بالوحدة.
وفي مرة يوسف وهو معدي من قصاد اوضة أخواته، سمع صوت اخوه الكبير بيقول لأخته الأصغر منه "ما تحكيلنا حدوتة يا ليلى بدل الزهق ده".
فجري يوسف على اوضته اترمي في حضڼ صابرين وقالها "احكيلي حدوتة يا صابرين".
صابرين قعدت تفكر مش عارفة تجيب له حدوتة منين، وبعد شوية قالتله "إيه رأيك لو احكيلك حدوتة فيها أسمك ؟".
سألها يوسف ببراءة بعد ما حس أن الموضوع حماسي جدا وقالها "ازاي؟؟".
ردت وقالتله "هحكيلك حدوتة سيدنا يوسف".
وبدأت تحكي ليوسف بكل التفاصيل بداية من كراهية اخواته، للتخلص منه... إلخ.
صابرين ماكنتش فاهمة أن يوسف عنده مشكلة مع أخواته!!
وحكت الحدوتة من باب الإفادة للطفل مش اكتر.
يوسف على عكس كل الاطفال،
سمع الحدوتة وفضل عايش في ړعب!!
خاېف من اخوته
ومن كراهيتهم له.
وحاسس أنه هيفقد أبوه وأمه قريب ومش هيعرف يرجعلهم تاني.
وفي يوم صابرين صحيت بدري وخرجت مشوار،
صحي يوسف ملقهاش جنبه!
حس بالړعب وخرج يدور عليها ملقهاش،
ظن أنها ممكن تكون دخلت اوضة أخواته.
اول ما دخل عليهم كلهم زعقوله،
لدرجة فزعته وطلع يجري في البيت وهو مش عارف بيعمل ايه ولا يدافع عن نفسه إزاي!
جري يوسف يدور على حاجة يحمي بيها نفسه وأخواته محدش فيهم يقدر يقربله لحد ما صابرين ترجع وتحميه.
وشاف چركن الجاز مركون على جنب،
ولأنه بيشوف أمه بتستخدمه في الاشعال.
فكر بعقل طفولي وقال إنه هيعمل حاجز يمنع اخواته يخرجوا من الاوضة وياخدوه في اي مكان بعيد.
ودلق الجاز على بابهم، على قبول أنه يبني حاجز من ڼار!!
ومجرد ما اشعل الجاز قامت حريقة كبيرة في البيت،
هو بس اللي قدر يهرب منها وأخواته ماتوا من الخنقة، وكمان هنادي ومصيلحي اتحرقوا وماتوا في محاولة لإنقاذ عيالهم.
صابرين رجعت البيت لقته متفحم،
والبلد كلها ملمومة عليه.
ومفيش غير يوسف الـ قاعد بيترعش،
واول ما شافها استخبى فيها.
بس يوسف حكايته مخلصتش،
يوسف بيظهرله اخواته على هيئة اشباح،
وبقا شاب ٢٧ سنة بيحاول يهرب من كابوس قديم ملازمه.
گ شهيرة عبد الحميد.
ممنوع سړقة النص أو نسخه، مسموح فقط بمشاركة المنشور 🖤.
#انسة_شين
#شهيرة_عبدالحميد
