زواج لدقائق معدوده الفصل 10 بقلم زهرة الربيع

متتحركيش هطلع اعمل مكالمه واجي على طول
غنوه قالت بغيظ وانا هروح فين يعني اكون هشق الحيط ولا هحفر تحت الارض
مسح على وشه پخنقه وقال انتي لمضه كده ليه يا بت وكل كلمه تردي عليها ب 10 ما تقولي حاضر وخلاص ولا ما بتعرفيش تقولي حاضر
غنوه نفخت پخنقه وقالت بابتسامه بارده حاضر تامر امر من العين دي قبل العين دي حلو كده
سند اتنهد وهز راسه پخنقه وقال ربنا يصبرني عليكي ويقويني على ما بلاني
وطلع وسابها وهي بقت تبص للمكان كان متقفل من كل حته اتنهدت بحزن وقالت ياترى عامل ايه دلوك يا حميد ربنا يكون وياك يا اخوي
عند نوح
كان شال شروق من الارض وحطها على السرير وبيحاول يفوقها وهو مخضوض جدا لانها اول مره تحصل لها الحاله دي بقى يضربها على خدها بخفه وهو بيقول شروق انتي يا بت بت يا شروق ردي عليا يا بت فيكي ايه
وجاب قزازه برفان وحط منها على ايده وبقى يشممها منها ويمسح بيها على دماغها وهو بيقول بسم الله الرحمن الرحيم السميع العليم شروق ردي عليا
وقرب منها بلهفه لما شافها بتحرك عينيها
جاب كوبايه ميه وقعد جنبها بسرعه وقعدها وهو ساندها عليه وبقى يشربها شويه ميه بالراحه وهو بيقول پخوف واضح ايه اللي حصل قولي حاجه ردي عليا انتي سمعاني دلوك
شروق هزت راسها بالموافقه وهو اتنهد بارتياح وقال الحمد لله قلعتي قلبي
شروق نزلت دموعها لما افتكرت اللي حصل وقالت بحسره وۏجع ما تتوجعش على غالي يا ود عمي
نوح بص لها شويه وكان هيتكلم بس افتكر كل اللي حصل قام من جنبها بسرعه وضم اديه وقال پخنقه اسمعي يا بت الناس اللي اوله شرط اخره نور انتي عارفه زين اني ما رايدش الجوازه دي ولولا عمايلك ما كانتش تمت بس انا بحل امور البلد كلها يعني اكيد قادر احل مشاكل اهل بيتي وعمي هعرف اراضيه وانتي هتفضلي على ذمتي كام يوم علشان ما حدش يتكلم عليكي لو طلقت في ايامك الاولى بس بعد كده كل حي هيروح لحاله وصلت كده
شروق كانت دموعها بتنزل بغزاره وهزت راسها بالموافقه و هو ابتسم بسخريه وقال جدعه اللي بيسمع الكلام بيعجبني واخر حاجه الفتره اللي هنقضيها مع بعض هنقضيها كانه محصلتش اي حاجه يعني لا انا جوزك ولا انتي مرتي انا كيف ما كنت غريب عنك ما ينفعش اشوفك بالمنظر ده 
شروق بصت له بزهول ودموعها في عيونها وهو قال متبصليش كده انتي عارفه اني لا بشرب ولا بتسطل
وقرب منها وبص لعيونها وقال يعني انتي كيف ما كنتي بالنسبالي مرت سند اخوي وهطلقك وهتتجوزيه تمام يا بت العم
شروق كانت بتسمعه پصدمه خصوصا من جملته الاخيره ولسه هتتكلم تليفونه رن وهو شاور لها