بنت صاحب العماره

_ انا مش متربيه انا عرفت دلوقتي ابنك جاب البجاحه و طولة اللسان منين .
قبل ما تتكلم قفلت في وشها وخدت نفسي بالعافيه ادي اخرة شغل التدريس اكيد في مره هيجيب نهاية حياتي والله 
_ وطي صوتك شوية يا أبلة هالة الجيران اشتكه
بصيت لقيت عمر واقف بيضحك جامد وهو بيتكلم بصتله پغضب وقفلت البلكونه انسان مهزا والله 
دخلت الشقه و بدأت ارتبها وبعدها عملت الاكل و غسلت الاطباق وعملت نعناع وقعدت قدام الشاشه بهدوء واستمتاع اخيرا خلصت وهقعد لحد ما محمد يجي و بابا كنت قاعده قدام الشاشه وبعدها الباب اتفتح ولقيت محمد دخل قعد جنبي وابتسم وقالي
_ يا سلام على الناس الرايقه 
ضحكت_تفوق فوقتي يارب حمدالله على السلامه يا بشمهندس 
ضحك _ بشمهندس مره واحده الله يسلمك يا حبيبتي
_ ايوه طبعا واحلى مهندس انت كلها سنه و تتخرج وتكون احلى مهندس في الدنيا 
ابتسم_ حبيبتي اللي رافعه من معنوياتي المهم ھموت من الجوع 
قومت من مكاني وابتسمت _ ادخل بس غير هدومك في ثواني والأكل هيكون جاهز 
دخل وبدل هدومه و بابا جه و حضرت الاكل وكلنا وبعدها شلت الاكل وغسلت الاطباق وبعدها سمعت صوت برا لقيت عمر واقف مع محمد قدام الشقه 
ايمان_صالح
بعدها خرجت بعصير اللي محمد طلبه بس عمر كان مشي احسن برضوا محمد قرب مني وقعد وخد عصير وشرب منه 
_ تسلم ايدك يا هاله احلى حاجه عصير المانجا بتاعك بجد في حته تانيه 
بصتله بذهول _ انت اخدت الكوبايه بتاعتي 
بصلي وضيق عيونه _ انتي جايبه لنفسك الكوباية الكبيرة 
زعقت _ امال جايبهالك انت 
بصلي بتحذير مضحك _ بت متعليش صوتك انتي فاكره السنتين اللي بينا دي هتخليكي تعلي صوتك 
_ وانت فاكر أن كده هتخوفني هات الكوباية يلا 
مسكها شربها كلها وبعدها ادهاني ببساطه 
_ خدي مش عايز منك حاجه 
بصتله بقرف 
_ كتك القرف في شكلك 
ضحك_مكنتش كوباية عصير بقى المهم شوفتي جارنا الجديد 
_ مالك فرحان كده ليه ده واد رخم 
_ ده جدع والله ده النهارده شافني وطلع مخصوص عشان يتعرف عليا 
بصتله باستنكار_ وانت فرحان كده ليه 
_ عشان شكله كويس والله هادي كده في حاله
رديت عليه بذهول _ لحقت تعرف كل ده من مره واحده 
هز راسه برفض_ لا انا شوفته امبارح واتعرفت عليه يعني 
_ طيب مع نفسك بقى انا نازله عندي حصة ولاد تحت 
دخلت جهزت نفسي و نزلت عندهم لقيتهم قاعدين بصتلهم 
_ ها جاهزين
_ اها جاهزين يا ميس 
بدأت اشرحلهم وبعد ما خلصت طلعوا وجه ولد وقف قدامي 
_ بعد اذنك يا ميس السؤال ده ايه 
_ فهمته السؤال وبعدها بصتله 
_ ها وصلت المعلومه 
_ اها يا ميس شكرا 
مشي ورتبت الاوضه مكانهم وجيت اطلع لقيت عمر في وشي واتكلم 
_ قبل ما تطلعي حابب اقولك شرحك تحفه بجد 
بصتله باستنكار _ عارفه على فكره 
رفع حاجبه _ اعتبره غرور 
بصتله بتحدي _ اعتبر زي ما تعتبر بعد اذنك 
طلعت وسيبته واقف باصص بذهول مش عارفه ليه مش طايقاه من وقت ما لقيته طالع من شقة ماما بقيت بسترخمه مع أنه شكله كويس و ذوق بس مش عارفه بتعامل معاه كده ليه !
كنت بكلم هدير صاحبتي في الموبيل 
كانت بتتكلم بذهول_ معقول باباكي سكن الشقه وانتوا وافقتوا عادي 
ابتسمت بحزن _ اها شوفتي بابا جاب واحد رخم سكنه الشقه 
_ بس ليه عمو عمل كده 
_ بيقول أن ظروف عمر دي صعبه 
_ ازاي يعني 
_ مش عارفه والله هو قال كده بس ايه ظروف الشخص ده معرفش كل اللي اعرفه انه انسان تنح 
_ ليه عملك حاجه
رديت بحزن_ لا طبعا بس هو سكن في شقه ماما وده مزعلني فهمتي 
_ اها فهمت ربنا يرحمها يا حبيبتي
_ اللهم امين هسيبك بقى عشان اكمل اكل وابقى ارجعلك تاني 
_ ماشي يا حبيبتي سلام 
كنت واقفه في المطبخ و محمد دخل عندي واتكلم 
_ شوفتي ايه الحصل 
رديت عليه وانا بغسل الاطباق _ خير 
_ مش عرفت حكاية عمر ايه 
سيبت اللي في ايدي ورديت بفضول _ ايه حكايته 
_ وانتي يهمك في ايه 
شوحت بإيدي_فضول مش اكتر 
ضحك _ طيب تعالي معايا هحكيلك 
قعدتي وقعد جنبي واتكلم _ بصي يا ستي هو كان عنده شركه بتاع باباه