زواج لدقائق معدوده الفصل 8 بقلم زهرة الربيع

الفصل التامن 
مين... مين كتب كتابه على مين.. انا ...ايه الجمله اللي سمعتها دي ها يا نوح بيقول ايه... قصده ايه
نوح حاول يرفع عينه او ينطق بحرف بس زي ما يكون لسانه اتربط مقدرش يتكلم ابدا
سند حس الارض بتدور بيه وهو كل شويه يتاكد ان اللي سمعه مظبوط مسكو من جلابيته پغضب وهو بيهزه وبيقول بزعيق شديد ....يا نوح ما تقعدش ساكت كده.. اتكلم يا ود ابوي قول حاجه.. قلبي هيوقف انطق
هنا نوح قال بالم شديد... انا اسف ...اسف قوي يا سند حقك على راسي يا ود ابويا لو قلعت جزمتك واديتني بيها دلوقتي مهزعلش منك
سند سابوا بزهول ورجع خطوات وهو بيقول پصدمه....لا لا لا انتو انتو بتضحكوا عليا صح ...مهصدقكمش اصلا ما هصدقكمش... انت وعدتني ...وانت كمان يا عمي انت كمان قولت لي شروق ليك يا سند.. ما تعملوش فيا كده انا محاملش الهزار ده ... انا هسال شروق... ايوه هسال شروق
وبقى يزعق بصوت عالي وقال ....شروق يا شرووووق
وجري ناحية السلم وهو مش شايف قدامه
عند شروق لطمت على خدودها اول ما سمعت صوته وقالت..يا مري ده سند شكله عرف.. ما هيسكتش واصل مهيسكتش
غنوه بصت لها باستغراب وقالت..و هو سند ډخله ايه بيكم
شروق نزلت عيونها في الارض وقالت.... ما لوش دخل بس كان فاكر ان هو اللي هيتجوزني
غنوه قالت بزهول ..هو مرار راكب جرار خليكي هنا ما تطلعيش من الاوضه
ونزلت هي جري تشوف ايه اللي بيحصل
سند جري بسرعه كان هيطلع بس قبل ما يطلع عمو مسك ايده پغضب شديد وقال ....استنى هنه يا سند مش انا اللي بكلمك وبقول لك خلاص كل حاجه خلصت.. فوق لنفسك خلاص يا ولدي لا انت اول ولا اخر واحد مش من نصيبك يا ولدي مش من نصيبك خلاص
سند دفع ايده پغضب وقال بزعيق.... يعني ايه مش من نصيبي لا يا عمي لاه.. بتك نصيبي ومش نصيب اي راجل غيري محدش هياخدها مني هملنيي 
وزعق باعلى صوته وقال ....يا شروووق
حكم اتنرفز جدا ومسكه من دراعاته پغضب وهو بيهزه پعنف وقال ....اتكتم خلاص ڤضحتنا لما انا هقول لك خلاص يبقى خلاص اخوك لازم يتجوزها ما عنديش حل تاني.. يا ريت كان عندي حل تاني يا ولدي يا ريت
سند بصله پصدمه واستغراب شديد وقال.. يعني ايه معندكش حل تاني ليه ...ايه اللي حصل في غيابي
حكم بص لنوح اللي هز راسه بالرفض بسرعه عيونه بتترجاه ما يقولش بس هو غمض عنيه واتنهد ونزل عيونه في الارض بحرج شديد وقال... نوح وشروق غلطو سوا...احم اخوك دخل عليها امبارح كان لازما ولابد يكتب عليها قبل ماحد يدرى
بقلم...زهرة الربيع
سند الټفت لنوح بسرعه وذهول ميتوصفش 
نوح بقى يبص له بدموع وقال بسرعه... احب على يدك تسمعني لو ليا خادر عنديك يا سند
بس سند بقى يرجع لورا وهو بيبصلو پصدمه ومش سامع اي صوت حواليه وفجاه وقع من طوله 
غنوه كانت نازله و جريت عليه في اخر لحظه سندته ونزلت بيه على الارض وهو على رجلها وهي بتقول بزهول وخضه ...يا مري مالك يا ود الناس هاتوا دكتور ..دكتور بسرعه
سند بقى يبص لها بتوهان شديد وغاب عن الوعي بين ايديها عمو جري عليه وهو بيحاول يفوقه ونوح كان واقف مصډوم بيبص لهم وبس مش بيتحرك ولا بينطق
حليمه نزلت جري على السلم وهي بتصرخ باسمه وبقت تحاول تقوم فيه وهي بتقول.... يا مر يا ولدي يا حبيب قلب